Toshkent davlat pedagogika universiteti ilmiy axborotlari 2020/1(22) issn 2181-9580

TOSHKENT DAVLAT PEDAGOGIKA UNIVERSITETI ILMIY AXBOROTLARI
2020/1(22) 
talab etilmoqda. Ta’limni axborotlashtirish ta’lim oluvchining intellektual 
salohiyatini rivojlantirish, o‘qitishni individuallashtirish va differensiallashning 
yangicha metodik tizimlarini yaratishga imkon bermoqda. Umumkasbiy fanlarni 
o‘qitishda kompyuterli o‘qitish vositalaridan foydalanish quyidagilarga imkon beradi: 
-foydalanuvchi va yangi axborot texnologiyalari o‘rtasida tezkor qayta aloqani 
ta’minlash;
-obyektlar, jarayonlar va hodisalar qonuniyatlari to‘g‘risidagi o‘quv axborotini 
kompyuter xotirasiga kiritish va ulardan keng foydalanish;
-katta hajmdagi axborotlarni arxivda saqlab, uni uzatish va foydalanuvchining 
ma’lumotlar bankiga murojat qilish;
-hisoblash, axborot izlash faoliyati jarayonlarini avtomatlashtirish, shuningdek 
o‘quv eksperiment natijalarini qayta ishlash va o‘qitish jarayonida kompyuterli 
o‘qitish vositalaridan foydalanishning pedagogik maqsadlarini shakllantirish;
-ta’lim oluvchi shaxsini rivojlantirish (estetik didi, kommunikativ qobiliyati, 
axborot madaniyati, tadqiqotchilik va konstruktorlik ko‘nikmalari, ijodiy faolligi va 
boshqalarni);
-o‘quv tarbiya jarayonini jadallashtirish (o‘qitish samaradorligini va sifatini 
oshirish, bilishni faollashtirish va rag‘batlantirish, o‘yinli vaziyatlarni yaratish, o‘quv 
faoliyati tartibini tanlash va boshqalar). 
Tajribamiz asosida elektron o‘qitishdan foydalanish imkoniyatlariga to‘xtalib 
o‘tamiz. 
Elektron o‘qitishdan foydalanish quyidagi afzalliklarga ega: 
-
talabalarga axborotlarning barcha manbalariga tezda murojat qilish 
imkoniyatlarini ochib beradi, mustaqil ishlashga sharoit yaratadi;
-
elektron o‘qitishdan foydalanish didaktik maqsadlarni amalga oshirishda 
mavjud axborot kommunikatsion texnologiyalardan samarali foydalanish, ya’ni 
zaruriy elektron o‘qitish muhitini yaratish imkonini beradi; 
-
o‘qituvchi kompyuterlashtirilgan o‘qitish va nazorat qilish dasturlarini o‘z 
talabiga ko‘ra o‘zgartirish imkoniyatiga ega bo‘ladi;
-
elektron o‘qitishdan foydalanishni qo‘llash orqali o‘qituvchi talaba shaxsini 
rivojlantirish, ijodiy qobiliyatini o‘stirish va birgalikda ishlash, tanlagan kasbiga 
qiziqishini shakllantirish imkoniyatiga ega bo‘ladi;
-
elektron o‘qitishdan foydalanish talabaga individual yondashib, tanlagan kasbi 
bo‘yicha yangi axborot ma’lumotlari olishiga imkoniyat yaratadi;
-
elektron o‘qitishdan foydalanish talabaning yangi axborot texnologiyalaridan 
erkin foydalanishiga imkon beradi;

---

75