Toshkent davlat pedagogika universiteti ilmiy axborotlari 2020/1(22) issn 2181-9580

TOSHKENT DAVLAT PEDAGOGIKA UNIVERSITETI ILMIY AXBOROTLARI
2020/1(22) 
3-rasm. Maktabgacha ta’lim tashkiloti rahbarining innovatsion kompetentligining 
funksional tuzilmaviy tarkibiy qismi
- konstruktiv malakalar ishlab chiqilgan loyihani muayyan ishtirokchilar 
tomonidan aniq bir maktabgacha ta’lim tashkiloti sharoitida joriy etish imkoniyatlari 
darajasida aniqlashtirish uchun zarur;
- kommunikativ malakalar maktabgacha ta’lim tashkiloti rahbarining ishontirish, 
faoliyatning yangi usullari afzalliklarini asoslash, isbotlash, boshqalarni ijodiy 
g‘oyalarga faol jalb qila olish, shaxslararo aloqalarni o‘rnatish, muloqot yuritish, 
innovatsiyalarni joriy qilish davomida yuzaga keladigan nizoli vaziyatlarni hal qilish 
kabi qobiliyatlarini o‘z ichiga oladi; 
- tashkilotchilik malakalari innovatsion jarayon subyektlarining o‘zaro 
hamkorligini yo‘lga qo‘yish, hamkasblarini maktabgacha ta’lim tashkiloti faoliyatini 
yangilash bo‘yicha dolzarb vazifalarni hal qilishga safarbar qila olish qobiliyatida 
namoyon bo‘ladi.
Faoliyatning innovatsion darajadagi sharoitida maktabgacha ta’lim tashkiloti 
rahbarining yuksak madaniyati va mahoratining belgisi uning quyidagi nazorat-
korreksiyalovchi malakalari sanaladi: 
- ta’lim-tarbiya jarayonining axborot ta’minotini shakllantirish; 
- muayyan vaziyatda innovatsion faoliyat maqsadini hisobga olgan holda 
boshqaruv qarorlarini qabul qilish;
- maktabgacha ta’lim tashkiloti ichida innovatsion faoliyat doirasida asosiy 
yondashuvlarni joriy etish nuqtayi nazaridan mashg‘ulotlar, tarbiyaviy tadbirlar 
tahlilini o‘tkazish; 
- ta’lim-tarbiya 
ishlarining 
asosiy 
bo‘g‘inlari 
faoliyati 
nazoratini 
muvofiqlashtirish. 

---

33 
TOSHKENT DAVLAT PEDAGOGIKA UNIVERSITETI ILMIY AXBOROTLARI
2020/1(22) 
Shunday qilib, funksional tuzilmaviy tarkibiy qism ijodiy bilim, amaliy 
malakalarni maktabgacha ta’lim tashkiloti innovatsion faoliyatida qo‘llash bo‘yicha 
aniq maqsadli hatti-harakatlarga qobiliyatini aks ettiradi.
Nihoyat, statistik ahamiyatliligiga ko‘ra to‘rtinchi omil quyidagi tuzilmaviy 
tavsiflarni o‘z ichiga oladi: 
- o‘zining faoliyatini tahlil qilish va innovatsion salohiyatini mantiqiy 
baholashga qodirlik (0,75); 
- tegishli innovatsion texnologiyalarni tanlash va joriy qilish maqsadida 
pedagogik muammolarni belgilash qobiliyati (0,74); 
- innovatsion faoliyat monitoringini amalga oshirish, pedagogik yangiliklar 
samaradorligini prognozlash, pedagogik innovatsiyalarni joriy qilish oqibatlarini 
tashxislash qobiliyati (0,73); 
- pedagogik innovatika sohasida o‘zini o‘zi shaxsiy-kasbiy takomillashtirish 
qobiliyati (0,72). 
Aniqlashtirilgan tavsiflar mazmunidan kelib chiqqan holda to‘rtinchi omil 
maktabgacha ta’lim tashkiloti rahbari innovatsion kompetentligining tahliliy 
tuzilmaviy tarkibiy qismi deb nomlandi (4-rasm).