Toshkent davlat pedagogika universiteti ilmiy axborotlari 2020/1(22) issn 2181-9580

TOSHKENT DAVLAT PEDAGOGIKA UNIVERSITETI ILMIY AXBOROTLARI
2020/1(22) 
Mazmunli tuzilma komponenti rivojlanish jarayonining maqsadga yo‘naltirilgan 
mazmuni, ya’ni maktabgacha ta’lim tashkilotining innovatsion kompetentli 
rahbarining ilmiy bilimlari tizimi, amaliy malaka va ko‘nikmalari, faoliyat usullari, 
tafakkuri, shaxsiy-psixologik xususiyatlari shakllanadigan tashkiliy-pedagogik 
sharoitlar va tegishli tamoyillarni o‘z ichiga oladi. 
Yakunlovchi, natijaviy tuzilmaviy tarkibiy qism kutiladigan natija, ya’ni 
maktabgacha ta’lim tashkiloti rahbarining innovatsion kompetentligi zaruriy 
darajasini uning asosiy (motivatsiyali-maqsadli, axborotli, funksional, tahliliy) 
tuzilmaviy tarkibiy qismlari orqali aks ettiradi.
Mazkur jarayonda biz ichki tuzilmaviy-mazmuniy o‘tishlar moslashuvchanligini 
inobatga olgan holda, innovatsion kompetentlikni samarali shakllantirish va 
rivojlantirishga qaratilgan tayyorgarlikning tuzilmaviy mazmuni o‘zaro aloqadorligi 
haqidagi g‘oyalarga asoslandik. Tadqiqotimizning maqsadi va vazifalariga muvofiq 
tarzda o‘rganilayotgan hodisaning shakllanishi va rivojlanishi jarayonining ishlab 
chiqilgan modeli amaliy jihatdan joriy qilindi. Modelning amaliyotga joriy qilinishi 
mohiyatan, ishlab chiqilgan modelning asosiy elementlarini raqamli innovatsion-
rivojlantiruvchi muhitni maktabgacha ta’lim tashkilotlari rahbarlarining innovatsion 
kompetentligi shakllanishi va rivojlanishi tizimi sifatida ishlab chiqishda qo‘llanilishi 
va veb-texnologiyalari asosida uni virtual makonda joriy etilishini nazarda tutuvchi 
integrativ yondashuvni amalga oshirish imkoniyatini beradi. 
Amaliyotning 
ko‘rsatishicha, 
bugungi 
kunda 
raqamli 
innovatsion-
rivojlantiruvchi muhitning maktabgacha ta’lim tashkilotlari rahbarlarining kasbiy 
rivojlanishi tizimi sifatida ishlab chiqilishi dolzarb vazifalardan bo‘lib hisoblanadi. 
Eng avvalo, bunday ishlanma maqsadli maʻlumotlarni olish imkoniyatini beradi, 
innovatsiyalarni almashish uchun maydoncha sifatida xizmat qiladi, kasbiy 
rivojlanish va yutuqlar monitoringi vositasi bo‘lib hisoblanadi, uning zamonaviy 
bosqichdagi ahamiyatini baholash murakkabdir. Bundan tashqari, u samarali 
menejmentni tashkil qilishning muhim omili, prognozlarni ishlab chiqish, 
asoslantirilgan qarorlarni qabul qilish va ularni takomillashtirish uchun asos bo‘lib 
xizmat qiladi. Maktabgacha ta’lim tashkilotlari rahbar va pedagog kadrlarining 
elektron portfoliosi raqamli innovatsion-rivojlantiruvchi muhit tuzilmasining muhim 
tarkibiy elementi hisoblanadi. Portfolio kasbiy yutuqlar jamlanmasi vositasi sifatida 
uzluksiz tayyorgarlik subyektlarining to‘laqonli kasbiy rivojlanishiga imkon beradi, 
ularning mahoratini oshiradi, ijodiy salohiyatini ro‘yobga chiqaradi, o‘zaro 
hamkorlikni optimallashtiradi. Portfolio vositasidagi monitoring jarayonida 
maktabgacha ta’lim tashkilotlari rahbarlarining mustaqil tarzda o‘sishi hamda o‘zini 
to‘laqonli ro‘yobga chiqarishga nisbatan ijobiy motivatsiyasini shakllantirish va 
rivojlantirish uchun zarur sharoitlar yaratiladi. Biz tomonimizdan ishlab chiqilgan 
elektron portfolio tizimi tarmoqda maʻlumotlar almashishni qo‘llab-quvvatlaydi, 
shaxsiy kabinet maʻlumotlari bazasiga masofadan kirish va qayta aloqa, shuningdek, 
“filtr”ni qo‘llash hisobiga har xil maʻlumotlarni tezkor olish, ya’ni onlayn rejimda 
vaqt oraliqlari, belgilangan mezonlarni inobatga olib, shuningdek, tuman, shahar, 

---

42