Toshkent davlat pedagogika universiteti ilmiy axborotlari 2020/1(22) issn 2181-9580

TOSHKENT DAVLAT PEDAGOGIKA UNIVERSITETI ILMIY AXBOROTLARI
2020/1(22) 
Tizimlilik tamoyili maktabgacha ta’lim tashkilotlari rahbarlarining innovatsion 
kompetentligining tuzilmaviy tarkibiy qismlarini maqsadli rivojlantirishdan tashqari, 
huquqiy, iqtisodiy, ekologik, ijtimoiy-gumanitar va boshqaruv tayyorgarlikni 
takomillashtirishni ham nazarda tutadi. Bundan tashqari, mazkur tamoyil 
maktabgacha ta’lim tashkilotlari rahbarlarining o‘zaro hamkorlik munosabatlarini 
rivojlantirishni nazarda tutadi, yuksak intellektual salohiyatni ta’minlash va 
motivatsiyalovchi-rag‘batlovchi maʻnaviy-psixologik muhitni tegishli darajada 
ta’minlashga yo‘naltiradi.
Ilmiylik va innovatsionlik tamoyili maktabgacha ta’lim tashkilotlari 
rahbarlarining innovatsion kompetentligini shakllantirish va rivojlantirish jarayoniga 
zamonaviy innovatsion texnologiyalar, ilmiy yutuqlar, mazkur yo‘nalishdagi ilg‘or 
xorijiy tajribani joriy qilishni nazarda tutadi.
Raqobatbardoshlik tamoyili maktabgacha ta’lim tashkilotlari rahbarlarining 
innovatsion kompetentligini shakllantirish va rivojlantirish jarayonining yuqori 
sifatini har tomonlama ta’minlashni, ta’lim-tarbiyaviy faoliyatda shaxsiy-ijodiy 
xususiyatlarga ustuvorlik berishni, menejerlarning bilim olishga ehtiyojlarini shakl va 
mazmunni shaxsiylashtirish, maqbullashtirishni, ekspertlarni tayyorgarlik jarayoniga 
faol jalb qilishni o‘z ichiga oladi.
Rivojlantirish tamoyili rahbarlarning innovatsion faoliyatni tashkil qilish, turli 
boshqaruv, 
pedagogik, 
innovatsion 
hatti-harakatlarini 
kasbiy 
o‘z-o‘zini 
takomillashtirish asosida amalga oshirilishini nazarda tutadi. Rahbarlarning mustaqil 
ta’limi va o‘z-o‘zini rivojlantirishini tashkil qilish mohiyatan quyidagilarda o‘z 
ifodasini topadi: 
- rahbarlarning o‘z-o‘zini kasbiy takomillashtirishga rag‘batlantirish; 
- mustaqil ishlashni tashkil qilishda metodik yordam ko‘rsatish; 
- rahbarlarning o‘z-o‘zini kasbiy takomillashtirish yo‘nalishlari, shakllari va 
metodlarini belgilash; 
- mustaqil ta’lim olish uchun belgilangan vaqtda qo‘yilgan vaifalarni 
muvaffaqiyatli hal qilish uchun shart-sharoitlar yaratish; 
- mustaqil ta’lim va o‘z-o‘zini takomillashtirish samaradorligini baholashning 
ilmiy asoslangan va metodik jihatdan aniq mezonlaridan foydalanish; 
- o‘z-o‘zini rivojlantirish jarayonida eng yaxshi natijalarni targ‘ib qilish, 
ommalashtirish
11
. 
Shunday qilib, yuqorida keltirilgan tamoyillar maktabgacha ta’lim tashkilotlari 
rahbarlarining innovatsion kompetentligini shakllantirish va rivojlantirishga 
qaratilgan ijtimoiy-iqtisodiy, majmuaviy, amaliyotga yo‘naltirilgan, moslashuvchan
jarayonlarning g‘oyalarini ochib beradi.
Bundan tashqari, mazmunli tarkibiy qism maktabgacha ta’lim tashkilotlari 
rahbarlarining 
innovatsion 
kompetentligini 
shakllantirish 
va 
rivojlantirish 
jarayonining quyidagi tashkiliy-pedagogik shart-sharoitlarini ham qamrab oladi: 
- ta’lim va amaliyotni integratsiyalash shartlari; 
11
Кауфман Д. Сам себе MBA. Самообразование на 100 %. - М.: Манн, Иванов и Фербер, 2016. – 464 с. 

---

39