Toshkent davlat pedagogika universiteti ilmiy axborotlari 2020/1(22) issn 2181-9580

TOSHKENT DAVLAT PEDAGOGIKA UNIVERSITETI ILMIY AXBOROTLARI
2020/1(22) 
Paniyskiy (V asr), Menandr Protektor (VI asr), Zaxariy Ritor (VI asr), Kozma Indi- 
koplava (VI asr), Feofilat Simokatta (VI asr) asarlarida uchraydi
6
. Feofan 
Vizantiyskiyning ma’lumot berishicha, eftalitlarning hukmdori Vahshunvor Eftalon 
bo‘lib, xalq uning nomi bilan yuritilgan
7
. 
Arab va fors manbalari eftalitlarni Markaziy Osiyoning tub joy aholisi bilan, 
ayniqsa, Zobuliston, Kobuliston, Garjiston, Baqtriya - To‘xoriston, Buxoro va 
Samarqand aholisi bilan bog‘laydi. Ular Baqtriya - To‘xoristonni eftalitlarning asl 
yashash joyi deb ko‘rsatadilar
8
. Eftallar tarixiga oid ma’lumotlar o‘rta asr arman 
tarixchilari asarlarida ham mavjud bo‘lib, ularda eftalitlar va ular bilan bog‘liq 
voqealar ko‘plab o‘rta asr manbalarida ham uchraydi, lekin ularning aksariyatida 
eftalitlarni kushonlar bilan birdek ifodalaydilar. Favstos Buzand o‘zining “Armeniya 
tarixi” asarida sosoniylar shohi Shopurning Sharqdagi janglari haqida juda qiziq 
ma’lumotlarni keltiradi. Egishe Vardapet esa shaxsan o‘zi ushbu voqealarning guvohi 
sifatida sosoniy podsho Yazdigird II ning shimoliy-sharqiy elatlar, jumladan eftalitlar 
bilan bo‘lgan jangini tasvirlaydi. Shunga o‘xshash yana boshqa ma’lumotlar Lazar 
Parpetsiyning “Armaniston tarixi” asarida uchraydi. Eftalitlar heptalk shaklida 
Ananii Shirakatsiyning “Geografiya” hamda Sebeosning “Imperator Irakl tarixi” 
asarida uchraydi. Arman manbalarda eftalitlar To‘xoriston va Xurosondagi hukmron 
toifa o‘laroq tilga olinadi
9
. Arman manbalari orqali bizgacha yetib kelmagan ikkita 
asar haqida ma’lumotga ega bo‘lamiz, ular fors muallifining “Rastsaxun” (Ishonchli 
hikoya), hamda yunon tilida yozilgan “Eftalitlar tarixi” asaridir. Eftalitlarning 
sosoniylar shohi Peroz bilan jangi haqidagi ma’lumotlarni Suriya manbalarida, 
jumladan Iyeshu Stilitning “Xronika” (“Хроника”) asarida uchratish mumkin. 
Eftalitlar to‘g‘risidagi ma’lumotlar hind manbalarida ham uchrab ular “xun” deb 
yuritilgan. Eftalitlarga qarshi harbiy harakatlar haqidagi ma’lumotlar Bxitar, Kur, 
Mandasor va Gvaliordagi tosh ustunlarda uchraydi. Hind eposlari hamda VI asr hind 
astronomi Varaxamixirning “Brxat Samxit” asarida oq va qora xunlar haqida 
ma’lumotlar uchraydi. Eftalit shohlar haqidagi ma’lumotlar Kalxan tomonidan 
jamlangan “Radjatarangin” nomli Kashmir tarixiy solnomasida hamda IV-VI asrlarga 
oid Prakritining “Kuvalayamala” va “Puran” asarlarida keltirilgan. Hind manbalarida 
ular Shimoliy Hindistonga shimoldan, Markaziy Osiyodan kelgan ko‘chmanchi elat 
o‘laroq tilga olinadi
10
.
6
Гумилев Л.Н Эфталиты и их соседы в IV веке // Вестник древней истории. 1959.№ 1 С. 129; Ртвеладзе Э.В. Великий 
Шелковый путь: Древность и раннее средневековье. Ташкент,1999.С.271 
7
Tревер К.В. Эфталитское государство (V-VI вв.) // История народов Узбекистана.Ташкент,1950.Т.1. С.126. Гафуров Б.Г. 
Таджики. Древнейшая, древняя и средневековая история. М., 1972.С.50. 
8
Исоматов М.М. Эфталитское государство и его роль в истории Центральной Азии. Автореф. дисс. на соискание ученой 
степени д.и.н. Душанбе: ТГПУ им. С. Айни, 2009. 45- бет. 
9
Тер­Мкртичян Л. Х. Армянские источники о Средней Азии V – VII вв. М.: Наука, 1979. 40, 49, 55- бет. 
10
Ғ.Бобоёров. Эфталитларнинг этник келиб чиқиши тарихшунослиги. Т:.2019 й. 12-б 

---

127