Тошкент давлат иқтисодиёт университети ва

расм. Экспорт ва импортнинг РСАКга нисбатан эластиклик коэффициенти²¹

расм. Экспорт товар таркибининг РСАКга нисбатан эластиклик коэффициенти²²

2-расм маълумотларидан кўриниб турибдики, 2000, 2002, 2012, 2014, 2017 ва 2018 йилларда экспортнинг ноэластиклик ҳолати кузатилган бўлса, 2000, 2002, 2009, 2010, 2015, 2017 ва 2018 йилларда импортнинг ноэластик ҳолати юз берган. Таъкидлаш жоизки, 2016 йилгача бўлган даврда экспорт ва импортэластиклик кўрсаткичларининг синхрон тарзда тебраниши, фикримизча, ташқи савдо алоқаларида мувозанатли ёндашув сиёсатининг олиб борилганлиги билан изоҳланади. Сўнгги икки йилдаги ҳолатни эса валюта сиёсатини янада либераллаштириш ва ташқи иқтисодий алоқаларни эркинлаштириш билан тавсифлаш мумкин.

Амалга оширилган узлуксиз девальвация сиёсати экспорт товар таркиблари бўйича ҳам ноэластиклик ҳолатларини юзага келтириб чиқарди (3-расм). Хусусан, пахта толаси, хизматлар, кимё маҳсулотлари ва ундан тайёрланган буюмлар, қора ва рангли металлар экспортининг эластиклиги узоқ йиллар давомида 0,5 коэффициентдан паст даражада бўлган. 2014-2015 ҳамда 2018 йилларда эса деярли барча товарлар таркиби ноэластиклик аҳамият касб этган. Умуман олганда, таҳлил қилинган даврларда умумий экспорт ва импорт ҳажмининг РСАКга нисбатан ноэластиклиги кузатилиб, унинг кўрсаткичлари минус 0,5 коэффициентдан плюс 0,4 коэффициентгача диапозонда тебранган. Ушбу ҳолатни Маршалл-Лернер шарти бўйича баҳолайдиган бўлсак (шарт бўйича экспорт ва импорт эластиклик кўрсаткичлари бир коэффициентдан юқори бўлиши керак), ушбу кўрсаткичлар шарт талабларига мос келмайди ва амалга оширилган узлуксиз девальвация сиёсатининг самарасиз эканлигидан далолат беради.



²¹ Тадқиқотлар асосида муаллиф ҳисоб-китоби.
²² Тадқиқотлар асосида муаллиф ҳисоб-китоби.

Мавжуд ҳолатни инобатга олган ҳолда тадқиқот ишида экспорт ва импорт алоқаларининг РСАКга нисбатан эластиклигини прогнозлаш бўйича методологик ёндашув таклиф этилган. Ушбу методологик ёндашув экспорт ва импорт эластиклигининг стандарт оғиш даражаларини дисперсия усулида аниқлашга асосланган. Таклиф этилган методологик ёндашув бўйича икки хил сценарий вариантларда валюта курсини прогнозлаш ишлаб чиқилди. Биринчи сценарий вариант беқарорлик ҳолатидаги прогноз кўрсаткичи бўлиб, унда 2016-2018 йиллардаги экспорт ҳажмининг пасайиш тенденцияси асос қилиб олинган. Иккинчи сценарий вариантда ижобий шок таъсирида 2017 йилдан бошлаб экспорт ҳажмининг йилига ўртача 2 фоизга тезкор ўсиши асос қилиб олинган барқарорлик ҳолатидаги прогноз кўрсаткичидир (2-жадвал).