Тошкент давлат иқтисодиёт университети

Хулосалар 
 
Биржанинг ажралмас бир узвий қисми деб брокерлик идорасини 
ҳисоблаш мумкин. У биржа структурасига кирмайди. Бироқ брокерлик 
фирмаларисиз биржа савдосини ташкил қилиб бўлмайди.
Брокерлик фаолияти биржа воситачилигига мансуб бўлиб, биржа 
битимларини мижоз номидан ва унинг ҳисобидан, биржа воситачиси номидан 
ва мижоз ҳисобидан, мижознинг номидан ва биржа воситачиси ҳисобидан 
амалга оширишдар иборат. 
Брокерлик фирмаси бу - хусусий, ширкат, акциядорлик ёки бошқа корхона 
бўлиб, унинг асосий функцияси биржа ва мижозлар (маҳсулот ишлаб 
чиқарувчилар, 
харидорлар, 
савдо 
воситачилари) 
ўртасида 
алоқани 
таъминлашдан иборат. Муайян биржанинг брокерлик фирмаси биржа 
акциялар(пай)ини сотиб олиш асосида ташкил этилиши мумкин. Акция эгаси 
биржада ўз брокерлик фирмасини ташкил қилиш ёки биржа савдоларида 
иштирок этиш ҳуқуқини бошқа ташкилотларга ижарага бериш ва ижара тўлови 
шаклида мос келувчи даромад олиш ҳуқуқига эга. 
Брокер биржа савдосининг профессионал қатнашчиси ҳисобланади, у 
ташкил қилинган бозорларда фаолият кўрсатади ва биржада товарни сотиш ёки 
сотиб олиш истагида бўлган мижозга ёрдам кўрсатиш учун энг тайёрланган 
бўлади. Брокер ва мижоз ўртасидаги муносабатлар мижознинг ташаббуси 
билан вужудга келади, бироқ брокер унинг хизматларидан биронтаси яна бир 
марта фойдаланиб қолиши ёки биржада битим имзолаш нитятида бўлган 
танишларига тавсия этишини кутиб ўтирмаслиги керак. Брокерлик фирмаси 
мижозларни ҳамкорликка жалб этишида хизмат кўрсатадиган асосий канал 
реклама эълонлари ҳисобланади.
Таянч сўзлар 
Таъсис этиш, брокерлик фирмаси, рўйхатга олиш, реестр, мижоз, ходимлар 
штати, биржа савдоси Қоидалари, шартнома, шартлар, суғурталаш функцияси.
 
Назорат саволлари 
1. Брокерлик фирмасини таъсис этиш қандай рўй беради? 
2. Брокерлик фирмаси биржа савдосида қандай иштирок этади? 
3. Товарга ариза бериш ва шартнома тузиш жараёнини тавсифлаб беринг? 
4. Товар ва фонд биржаларида вужудга келган биржа савдоси жараёни 
қандай кўринишга эга? 
5. Шартномада 
товарни етказиб беришнинг базис шартларини 
мувофиқлаштириш жараёнини тавсифланг? 

---

119