Тошкент давлат иқтисодиёт университети

«Спот» курси - икки бизнес-кун ичида битимни тартибга солиш учун жорий 
валюта курси (форвард курсига қарши). Унинг котировкалари ҳақидаги ахборот 
банк экранлари ва газеталарда кўрсатилади. 
«Форвард» курси – у бўйича хорижий валюта шартномаси келажакда 
белгиланган кунда якуний тартибга солиш учун бугунги кунда амалга 
ошириладиган курсдир. Форвард курси «спот» курсдан валюта курслари 
динамикаси истиқболлари қандай баҳоланишига қараб мукофот ёки чегирма 
(дисконт) ҳажмига фарқ қилади. 
1970-йилларгача валюта курсларини аниқлаш учун расмий асос бўлиб 
валюталар таркибидаги қатъий белгилаб қўйилган олтин миқдори хизмат 
қилган. Ҳозирги пайтда валюта (олтин) паритети – пул бирликларининг металл 
таркиби бўйича нисбати – реал иқтисодий аҳамиятини йўқотган. Қатъий 
белгилаб қўйилган валюта курслари ўрнига ҳалқаро валюта-молия тизимига 
«ўзгарувчан» валюта курслари келди, улар валюта бозорларида талаб ва 
таклифнинг ўзгариши таъсири остида сезиларли тебранишларга олиб келиши 
мумкин. 
12.3. Валюта операциялари, касса битими ва муддатли битимлар 
 
Валюта биржаларида ҳар куни кўплаб валюта битимлари амалга 
оширилади. 
Валюта битимлари бу — белгиланган санада шартнома курси бўйича 
битта валютадаги қимматли қоғозларни бошқа валютадаги қимматли 
қоғозларга айирбошлаш бўйича операциялардир. 
Валюта операциялари қуйидаги турларга тақсимланади:

---

147 
 касса ёки нақд операциялар («спот» битимлари), бунда харидор сотувчидан 
хорижий валютани (хорижий валютадаги тўлов ҳужжатларини) миллий 
валютада тўлов амалга оширилгандан сўнг дарҳол олади ёки бунда чет элга 
тўловлар унинг буйруғи бўйича телеграф ўтказмаси орқали 2 кундан 
кечикмаган ҳолда ўтказилади;
 муддатли операциялар (форвард битимлар), бунда хорижий валютанинг 
олдиндан белгиланган муддатда бу муддатнинг якунида битим тузилган 
пайтдаги қайд қилинган курс бўйича олди-сотдиси амалга оширилади;
 «своп» операциялари, улар икки хил – нақд ва муддатли битимларни 
бирлаштиради;
 арбитраж операциялари, бунда битим қатнашчилари фойда олиш мақсадида 
турли валюта бозорларида валюта курсларидаги фарқлардан фойдаланади.