Тошкент давлат иқтисодиёт университети ҳузуридаги педагог кадрларни қайта тайёрлаш ва уларнинг малакасини ошириш

2.Ўзбекистонда давлат мулкини хусусийлаштириш ва унинг иқтисодиётдаги иштирокини камайтириш жараёнлари тўғрисидаги маълумотлар
Хусусийлаштириш жараёнида иккита муҳим стратегик вазифа ҳал этилиши кўзда тутилган:
Биринчи стратегик вазифанинг асосий мазмуни – бу давлат тасарруфидан чиқарилаётган ва хусусийлаштирилаётган мулкнинг ҳақиқий мулкдорлар қўлига берилиши иқтисодий муносабатларни тубдан ўзгартириш учун реал шарт-шароит яратишга имкон туғдиради.
Хусусийлаштиришнинг иккинчи стратегик вазифаси эса иқтисодиётда кўп укладлиликни ҳамда рағбатлантирувчи кучга эга бўлган рақобат муҳитини яратиш, шу орқали давлатни мулкка бўлган монопол ҳуқуқини тугатиш, хусусий мулкчиликнинг турли шаклидаги корхоналарни барпо этишдир.
3.Билимларни жонлантириш учун саволлар

1.Нима учун иқтисодиётда давлат улушини ва иштирокини камайтириш, чеклаш зарур?

2.Мустақилликдан олдин давлатнинг иқтисодиётдаги мавқеи қандай бўлган?
3.Давлат мулкини унинг тасарруфидан чиқариш нима учун зарур бўлган?
4.Хусусийлаштиришдан кўзланган мақсадлар нималардан иборат?
5.Давлат мулкини хусусийлаштири ш мамлакатимизда қандай амалга оширилди. Унинг асосий босқичларини аниқланг.
6.Давлат мулкини хусусийлаштириш билан бир қаторда нима учун маъмурий, яъни институционал ислоҳотлар амалга оширилди? Бу жараён қандай кечди?
7 Хусусийлаштириш ва маъмурий ислоҳотларни амалга ошириш натижасида қандай натижаларга эришилди?
4. Амалий вазиятни таҳлил қилиш учун методик кўрсатма

Таҳлил босқичлари	Тавсия ва маслаҳатлар
1. Кейс билан танишиш	1.Кейсни ўқиш жараёнида вазиятни таҳлил қилишга шошилманг. 2.Берилган вазият билан танишинг. Вазиятга таъриф беришга ҳаракат қилинг. 3.Вазиятни таҳлили учун ахборот манбалари билан таъминланганликни аниқланг.
2. Вазиятнинг ташҳиси ва таҳлили	1.Мамлакатда мустақиллик арафасида юзага келган ҳолатни ойдинлаштиринг. Вазиятнинг муҳим ҳусусиятларини, миқдор ва сифат томонларини белгиланг. Уларга асосан давлатнинг иқтисодиётдаги ҳақиқатда бўлган ва бозор иқтисодиётига ўтгандан кейин бўлиши мумкин бўлган ҳолатини аниқланг ҳамда уларни таққосланг. 2.Вазиятни таҳлил қилиш жараёнида муаммо қандай даражада ечилишини белгиланг. Уни ечиш мумкинми?, Қандай натижага эришиш мумкин? 3.Муаммони ечиш жараёнида бўладиган ёки бўлиши мумкин бўлган қийин ҳолатларни кўрсатинг.
3.Муаммоли вазиятнинг ечими бўйича таҳлил вариантларини танлаш ва баҳо бериш	1.Вазиятнинг ечимини ҳал қилинг. Берилган хулосаларни салбий ва ижобий томонларини кўрсатинг ва баҳоланг. Энг яхши вариантни танланг.

5. Кейсолог-ўқитувчи маълумотлардан кўриниб турибдики, ҳозирги вақтга келиб, давлатнинг иқтисодиётдаги улуши ва мавқеи анч камайтирилган, аммо нима учун ҳамон Ўзбекистонда давлатнинг иқтисодиётдаги иштирокини камайтириш зарур? Асосий муаммолар Сизнингча нималардан иборат?, деган савол билан талабаларга мурожаат қилиб, ушбу муаммоларни аниқлаш топшириғини беради.
Мазкур муаммоларни ҳал этиш учун талабалар Ўзбекистон Республикаси Президенти Ш.М.Мирзиёевнинг 2017 йил 16 январда Вазирлар Маҳкамасининг кенгайтирилган мажлисида “Танқидий таҳлил,қатъий тартиб-интизом ва шахсий жавобгарлик ҳар бир раҳбар фаолиятининг кундалик қоидаси бўлиши керак” мавзусидаги маърузаси ҳамда 2020 йил 24 январдаги Ўзбекистон Республикаси Олий мажлисига мурожаатномасида келтирилган муаммоларни таҳлил қиладилар ва бу борадаги қўшимча муаммоларни аниқлаб презентация қиладилар.