Тошкент давлат иқтисодиёт университети ҳузуридаги педагог кадрларни қайта тайёрлаш ва уларнинг малакасини ошириш

4.Бу ташкилий-институционал кейс.У статистик ва фактик маълумотларига тақрибан асосда тузилган қисқа ва структурали кейс-топшириқ. Кейснинг объекти бўлиб Ўзбекистон Республикаси миллий иқтисодиёт ҳисобланади.
5.Дидактик мақсадлари бўйича – муаммоли саволли кейси ҳисобланиб, амалий машғулот давомида берилган мавзу бўйича олинган билимларни мустаҳкамлашга мўлжалланган. Шу боисдан, кейсда миллий иқтисодиётда вужудга келган муаммони таҳлил қилиб, ижобий ҳал қилиш учун вазифалар, уни ечиш кетма-кетлиги, ахборот манбалари берилган.
6.Кейснинг асосий ахборот манбаси сифатида “2017-2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегияси”; Ўзбекистон Республикаси Президенти Шавкат Мирзиёевнинг Олий Мажлисга мурожаатномаси //Халқ сўзи, 2020 йил 25 январь;Шодмонов Ш.Ш., Ходиев Б.Иқтисодиёт назарияси.Дарслик.-Т., 2019; Шодмонов Ш.Ш., Мамарахимов Б.Э. Иқтисодиёт назарияси.-Т.:“Iqtisod-Moliya”,2016.-449-465-бет.; Абулқосимов Ҳ.П., Ҳамраев О.Я. Иқтисодиётни давлат томонидан тартибга солиш.-Т.: .:“Iqtisod-Moliya”,2014.-23-67-бетлар; Абулқосимов Ҳ.П. Иқтисодиётни давлат томонидан тартибга солиш.Ўқув қўлланма.-Т.: Ноширлик ёғдуси, 2018; ЎзР. Давлат статистика қўмитасининг www.stat.uz сайти маълумотларидан фойдаланилди.
7.Кейснинг асосий моҳияти, афзалликлари қуйидагилардан иборат:

• 
  ўқув машғулотини кейс-технологияси орқали ўтказилади;
  
• 
  талабаларни фаоллигини оширади ва мустақил ишлашга, фикрлашга ундайди;
  
• 
  аниқ маълумотлар асосида қурилган вазиятнинг мавжудлиги талабаларда уни ечишга қизиқишини уйғотади;
  

8.Ушбу кейсдан – “Иқтисодиёт назарияси” фанидан ўтказиладиган машғулотларда фойдаланиш мумкин.


Кириш
Ўзбекистон Республикасида амалга оширилаётган ислоҳотларнинг ҳозирги босқичида иқтисодиётни эркинлаштириш, мамлакатни модернизациялаш, техник ва технологик қайта қуроллантириш асосида макроиқтисодий барқарорликни таъминлаш эвазига аҳоли даромадларини ошириш барқарор иқтисодий ўсишга эришишдек долзарб вазифа қўйилган. Бу иқтисодиётда давлат иштирокини камайтириш, иқтисодиётни янада эркинлаштириш, бозор механизмининг амал қилишига кенг имкониятлар яратиш, иқтисодиётда давлат иштирокини босқичма-босқич камайтириш йўлларини таҳлил қилишни тақозо этади.
Иқтисодиётда давлат иштирокини босқичма-босқич камайтириш иқтисодиётни янада эркинлаштириш, рақобат муҳитини шакллантиришга, тадбиркорлик субъектлари фаолиятини фаоллаштиришга, аҳоли даромадларини оширишга барқарор ва мутаносиб ривожланишни таъминлашга имкон беради.