Тошкент давлат иқтисодиёт университети назаров назар ғулом ўҒЛИ

Тадқиқотнинг республика фан ва технологиялар ривожланишининг
устувор йўналишларига боғлиқлиги. Диссертация иши республика фан ва
технологиялар ривожланишининг «Демократик ва ҳуқуқий жамиятни
маънавий-ахлоқий ҳамда маданий ривожлантириш, инновацион иқтисодиётни такомиллаштириш» устувор йўналишига мувофиқ бажарилган.
Муаммонинг ўрганилганлик даражаси. Эркин иқтисодий зоналар иқтисодий салоҳиятидан самарали фойдаланиш муаммоларини илмий ўрганиш ва уларни бартараф этиш масалалари доимо иқтисодчи-олимларнинг диққат марказида бўлиб келган. Жумладан, мазкур масаланинг назарий ва амалий жиҳатлари, хусусан, ЭИЗларни ташкил этиш масалаларига хорижлик иқтисодчи олимлардан А.Венаблес, Х.Гленн, П.Кругман, Б.Роберт, М.Фужита, Б.Шаун, М.Энрайт ва бошқалар жуда катта ҳисса қўшганлар³.
МДҲ мамлакатлари иқтисодчи олимларидан А.Г.Гранберг, Ю.А.Гаджиев, О.Г.Дмитриева, Н.Зубаревич, С.В.Казанцев, И.Н.Меренкова, А.Н.Носов, О.И.Пантелеева, Д.Сепик, Л.А.Серебрякова ва бошқалар эркин иқтисодий зоналарни ташкил этиш, уларни халқаро интеграцияда тутган ўрни, ушбу механизмдан мамлакатда тадбиркорлик фаолиятини жадал ривожлантиришда фойдаланишнинг назарий масалаларига алоҳида эътибор қаратганлар⁴.
Мaмлaкaтимиз oлимлaридaн A.В.Вaхoбoв, Д.Ю.Хўжамқулов, С.С.Мирзaлиeвa, Ш.И.Мустафақулов, М.A.Рaимжoнoвa, А.А.Остонакулов, Ж.И.Каримқулов, Р.А.Исламова, С.С.Бозаров, М.К.Рашидов, Р.Р. Кузиев, А.У.Акрамов, Н.Р.Ражабовлар⁵ тoмoнидaн илмий-тaдқиқoт вa илмий-услубий ишлaр ва дарсликларидa эркин иқтисoдий зoнaлaр вa улaр фaoлиятигa oид ўз илмий қaрaшлaрини бaён қилишгaн.
Бироқ юқорида қайд этилган илмий тадқиқотларнинг аксарияти бевосита мамлакатни умумижтимоий-иқтисодий ривожлантириш ва ишлаб чиқариш кучларини жойлаштириш масалаларига бағишланган бўлиб, ЭИЗларда тадбиркорлик субъектларининг инновацион-инвестицион фаолиятини ривожлантириш муаммоси алоҳида тадқиқот объекти сифатида ўрганилмаган. Ушбу диссертация ишида ўрганилаётган муаммога етарлича эътибор қаратилмаганлиги ва унинг мунозарали тавсифга эга эканлиги масалага янгича илмий ёндашувни тақозо этади.