Тошкент давлат иқтисодиёт университети назаров назар ғулом ўҒЛИ

2.1.1-расм. ЭИЭларнинг 2021 йил ҳолати бўйича иқтисодий самарадорлик таҳлили¹⁷
Расмда ҳудудларда янги иш ўринлари яратиш энг юқори самарадорлик кўрсаткичига эга бўлиб, умумий экспорт ҳажми деярли сезиларсиз ҳолатда эканлиги тасвирланган (2.2.1-расм).
ЭИЗларда тадбиркорлик субъектлари томонидан 2020 йил 1 октябрь ҳолатига 8,5 трлн сўмлик маҳсулотлар ишлаб чиқарилган бўлиб, шундан 175,1 млн. долларлик маҳсулот экспортга йўналтирилган. Бугунги кунда ЭИЗлар учун жами 13 170,3 га ер майдони ажратилган, шундан 6 478,6 га муҳандислик-коммуникация тармоқлари жойлашган майдонлар ва аввал хусусийлаштирилган корхоналарнинг ҳудуди, 1 079 га ер майдонида 375 та лойиҳалар амалга оширилган ва 1 714,8 га ер майдонида эса 489 та амалга оширилаётган инвестиция лойиҳалари жойлаштирилган(2.1.4-расм).¹⁸

2.1.4-расм. 2021 йил даврида ЭИЗларда жалб этилган жами инвестциялар ҳажми визуал ифодаси¹⁹
«Сирдарё-фарм», «Паркент-фарм», «Нукус-фарм» ва «Бўстонлиқ-фарм» ЭИЗдарида ички, ташқи ва хорижий инвестициялар жалб этилмаганнлиги 2.1.4-расмдаги визуал тасвирда ифодаланган.
2021 йил ҳолати бўйича мамлакатимиз ҳудудларида жами маҳсулот ишлаб чиқариш ҳажми 10 303,8 млрд.сўмни ва эришилган экспорт эса, 232,3 млн. АҚШ долларини ташкил этган (2.1.3-расм). Бунда "Ургут" ЭИЗда 1332,20 млрд.сўмлик маҳсулотдан 41,87 млн.АҚШ долл экспорт, "Сирдарё" ЭИЗда 774,80 млрд.сўмлик маҳсулотдан 37,20 млн.АҚШ долл экспорт, "Навоий" ЭИЗда 2253,4 млрд.сўмлик маҳсулотдан 34,60 млн.АҚШ долл экспорт ва "Ангрен" ЭИЗда 3130,20 млрд.сўмлик маҳсулотдан 31,39 долл экспорт ҳажмига эришилган (2.1.3-расм).

2.1.3-расм. ЭИЗларда тадбиркорларнинг маҳсулот ишлаб чиқариш ва эришилган экспорт ҳажми (2021 йил)²⁰
Мазкур натижалар албатта юқори иқтисодий кўрсаткичлар деб айтишимиз мураккабдир. Ҳозирда мамлакатимизда ЭИЗлардаги тадбиркорлик субъектлари фаолиятини қўллаб-қувватлаш учун бир қанча ишлар амалга оширилмоқда:
2021 йил 1 ноябрга қадар ҳар бир ҳудудда камида мингтадан ер майдони сотувга чиқарилади. Шунингдек, магистрал йўллар бўйида, лойиҳа асосида, ҳар бир ҳудуддан камида 200 тадан ер майдони аукционга қўйилиши режалаштирилгин;
- экспортни қўллаб-қувватлаш жамғармаси томонидан йилига 20 млн доллардан ортиқ экспорт қилувчи корхоналарга 5 млн долларгача имтиёзли кредитлар ажратилади;
- юқори сифат ва назорат тизимига эга Европа Иттифоқи, АҚШ, Япония, Жанубий Корея каби мамлакатларда сертификат берилган асбоб-ускуна ва хомашёларга миллий сертификат олиш амалиёти бекор қилинади;
- хомашё ва ярим тайёр маҳсулотлар учун импорт божи ставкалари пасайтирилади;
- транспорт-логистика тизимини янада ривожлантириш йўналишида 2021 йил якунига қадар транспорт коридорларини ривожлантириш, юкларни божхона орқали ўтказишни соддалаштириш ва рақамлаштириш, транспорт харажатларини қисман қоплаш тизими жорий этилади;
- юк автомобилларини олиб кириш учун берилган божхона имтиёзлари яна 3 йилга узайтирилди;
- темир йўл тарифларини қайта кўриб чиқилади. Бунда, тадбиркорларга мамлакатда ишлаб чиқарилмайдиган хом ашё импорти учун амалдаги тарифлар камида 25% арзон бўлади;
- 2022 йилда ўз вагони ва контейнерига эга бўлган хусусий логистика операторлари фаолияти йўлга қўйилади ва тарифлар иккига ажратилади. Бунда, давлат томонидан фақатгина темир йўл инфратузилмаси ҳамда локомотив хизматлари тартибга солинади, юк вагонлари хизмати эса бозор тамойиллари асосида ташкил қилинади.
Аммо олиб борилаётган чора-тадбирларга қарамасдан ЭИЗларда тадбиркорлик субъектларининг фаолиятининг янада жадал ривожланишига тўсқинлик қилаётган бир қатор муаммолар мавжуд. Жумладан, инновацион ва инвестицион жараёнларни тартибга солиш механизмлари самарадорлигининг юқори эмаслиги, тўғридан-тўғри хорижий сармояларнинг етарли даражада жалб қилинмаётганлиги ва тадбиркорлк субъектларини ишлаб чиқараётган маҳсулотлари аксарият ҳолларда фақат ички бозорни қамраб олаётгани шулар жумласидандир.
Мамлакатимиз эркин иқтисодий зоналарида тадбиркорлик субъеклари фаолиятининг тармоқлааро ривожлантириш самарадорлигини оширишда 2020 йил бўйича 12 та тармоқ иқтисодий фаолиятига оид маълумотлар асос қилиб олинди (2.2.1-жадвал).