Тошкент давлат иқтисодиёт университети “Магистратура” бўлими “Давлат молияси ва халқаро молия” йўналиши

Тошкент давлат иқтисодиёт университети
“Магистратура” бўлими
“Давлат молияси ва халқаро молия” йўналиши
“Давлат молиявий менежменти: даромад”фанидан
Мустақил иш
Бажарди: МГФ-10 гуруҳи талабаси Умаров Х.
Текширди: доц. Бауетдинов М.

Давлат харажатлари тушунчаси

Бозор иқтисодиёти шароитида давлат бюджети харажатлари муҳим аҳамият касб этадиган категориядир. Харажатлар орқали давлат ўз сиёсий, иқтисодий ва бошқа турдаги мақсадларини амалга оширади. Харажатлар ёрдамида миллий даромаднинг маълум қисми қайта тақсимланади, давлат ўз таъсирини ишлаб чиқаришга ўтказади.

Давлат харажатларини режалаштириш тартиби

Ўзбекистон Республикасининг Бюджет кодексининг 11-моддасида бюджет тизими бюджетлари даромадларини прогноз қилиш ва харажатларини режалаштириш принципи ёритиб берилган.
Бюджет тизими бюджетларини тузишда бюджет таснифига мувофиқ, даромадлар уларнинг аниқ манбалари бўйича прогноз қилинади, харажатлар эса йўналишлар бўйича режалаштирилади

Давлат харажатларини амалга оширишда ижро органларининг ваколатлари

Ўзбекистон Республикаси Вазирлар Маҳкамасининг бюджет соҳасидаги ваколатлари
навбатдаги йил учун Ўзбекистон Республикасининг Давлат бюджети тўғрисидаги қонун лойиҳасини (бундан буён матнда Давлат бюджети тўғрисидаги қонун лойиҳаси деб юритилади) ва бюджетномани ишлаб чиқиш жараёнини ташкил этади ҳамда мувофиқлаштириб боради;
биринчи ва иккинчи даражали бюджет маблағларини тақсимловчилар рўйхатини тасдиқлайди;
Давлат бюджети тўғрисидаги қонун лойиҳасини ва бюджетномани кўриб чиқиш ҳамда тегишли хулоса тақдим этиш учун Ўзбекистон Республикаси Ҳисоб палатасига юборади;
бюджетномани Ўзбекистон Республикаси Олий Мажлисининг палаталарига тақдим этади;
Давлат бюджети тўғрисидаги қонун лойиҳасини Ўзбекистон Республикаси Олий Мажлисининг Қонунчилик палатасига киритади;
давлат бошқаруви органларининг Давлат бюджетини ва давлат мақсадли жамғармалари бюджетларини ижро этиш борасидаги фаолиятини мувофиқлаштириб боради ҳамда назорат қилади;
Ўзбекистон Республикаси Вазирлар Маҳкамаси қонун ҳужжатларига мувофиқ бюджет соҳасида бошқа ваколатларни ҳам амалга ошириши мумкин.