Тошкент давлат иқтисодиёт университети И. Саифназаров, А. Мухтаров, Т. Султонов, Д. Эрназаров Илмий тадқиқот методологияси

Тадқиқот характери: 1) Назарий тадқиқот бу соф илмий, лекин кўп йиллар учун илмий изланишларнинг истиқболли ва самарали назарий-стратегик йўналишидир; 2) Амалий тадқиқот касбий фаолиятнинг муайян соҳасида кейинчалик муваффақиятли ишлаш учун унинг қандайдир йирик муаммосини чуқурроқ ўрганишга имкон беради Магистрлик диссертациялари мавзуини кафедралар тасдиқлайди. Мавзу бу тадқиқотнинг функционал йўналиши аксидир Мавзунинг танланишини белгиловчи омиллар

Диссертация иши мақсадларига қараб тадқиқотлар типлари

1. 
   умумлаштирувчи;
   
2. 
   оммалаштирувчи характеридаги;
   
3. 
   новаторлик ;
   
4. 
   чуқурлаштирувчи характеридаги;
   
5. 
   назарий-методологик тусдаги;
   
6. 
   эмпирик тусдаги
   

Мавзунинг долзарблигини асослаш
Диссертациянинг КИРИШ матни икки нуқтаи назардан баён қилинади:
1) Ушбу мавзуга жамиятнинг ижтимоий-иқтисодий ривожланиши
эҳтиёжлари юзасидан мурожаат килишнинг долзарблиги - айни шу вақтда айнан шу мавзуга мурожаат этишнинг сабабларини қисқача ёритиш, жамиятнинг бугунги кундаги ҳолатининг мазкур мавзуни тадқиқ қилишни ғоят зарур қилиб қўйган ўзига хос хусусиятларини тавсифлаб бериш.
2) Ушбу мавзуга фаннинг ички эҳтиёжлари юзасидан мурожаат
килишнинг долзарблиги - нима учун бу мавзунинг айни шу вақтда бунчалик долзарб бўлиб қолганлиги, унинг шу тарзда очиб берилишига илгари нима ҳалакит килганлигини изоҳлаш, унга мурожаат қилишнинг фан ривожининг динамикаси, бу муаммо бўйича янги ахборотларнинг тўпланиб қолганлиги, мавжуд тадқиқотларда унинг етарли даражада ишлаб чиқилмаганлиги, муаммони янгича талқинда, тадқиқотнинг янги услублари ва услубиётларидан фойдаланиб ўрганиш зарурлиги билан боғлик эканлигини кўрсатиш.