Toshkent davlat iqtisodiyot

 

178 

 

Bob bo‘yicha xulosa 

Strategik  rejalashtirish  –  bu  korxonaning  potensial  imkoniyatlarini  aniqlash  va 

korxona  imkoniyatlarining  o‘zgaruvchan  tashqi  muhit  sharoitlariga  strategik 

muvofiqligini qo‘llab-quvvatlash jarayonidir. 

 

Rejalashtirish  bo‘yicha  majburiyatlarning  nomarkazlashuvi,  bu  majburiyalarning 

tezkor  boshqaruv  bilan  shug‘ullanuvchi  menejerlarga  berilishi  va  bu  funksiyalarning 

moliyaviy  rejalashtirish  va  tashkiliy  rivojlanish  kabi  strategik  boshqaruv  jarayoni 

jihatlari bilan integratsiyalash 1980-yillarda boshqaruvga xos bo‘lgan tendensiyalardan 

hisoblanadi.

 

Strategik  rejalashtirishning  asosiy  vazifasi  –  korxona  resurslarini  maksimal 

darajada  samarali  taqsimlashdir.  Ko‘rinib  turibdiki,  korxonaning  kuchli  va  kuchsiz 

tomonlarini  tahlil  qilishning  maqsadlaridan  biri  bu  korxona  ularni  rivojlantirishga  o‘z 

resurslarini  yo‘naltirishi lozim bo‘lgan faoliyat sohalarini aniqlash sanaladi. 

Korxonani  boshqalardan  ajratib  turadigan  kompetensiya  albatta  uning  texnik 

imkoniyatlari  bilan  bog‘liq  bo‘lishi  shart  emas  –  u  korxona  faoliyatining  istalgan 

sohasida topilishi mumkin.

 

Strategik rejalashtirish sohasida ko‘plab tadqiqotchilar uchun maqsadlar belgilash 

bu  korxonani  boshqalardan  ajratib  turadigan  kompetensiyalar  belgilash  bilan  bir  xil 

narsa  hisoblanadi. Strategik rejalashtirish jarayonining  bu  ikki bosqichi juda o‘xshash 

bo‘lsada,  boshqalardan  ajratib  turadigan  kompetensiyalarni  aniqlash  korxonaning 

kuchli  va  kuchsiz  tomonlarini  aniqlash  tahliliy  jarayonini  korxona  maqsadlarini 

belgilash  ijodiy  jarayoni  bilan  bog‘laydigan  bo‘g‘in  hisoblanishini  aytib  o‘tish 

foydadan xoli bo‘lmasdi.

 

Korxonaning  korporativ  vazifalari  va  biznes-strategiyasi  belgilab  berilgach, 

sanoat  marketologi  marketing  dasturini  ishlab  chiqishi  lozim.  Marketing  dasturi  –  bu 

belgilangan korporativ va biznes-vazifalarga (bozor ulushi, sotuv hajmi, investitsiyalar 

qaytimi  va  h.k.ni  oshirish)  erishish  bo‘yicha  reja  bo‘lib,  beshta  elementdan  iborat 

bo‘ladi:  bozor  segmentlari,  mahsulotlar,  narx  shakllantirish,  distributsiya, 

kommunikatsiyalar. 

---

 

179 

 

Marketing  dasturi  –  uni  tashkil  qiladigan  qismlarning  oddiy  yig‘indisidan  ko‘ra 

kattaroq  narsa.  Marketolog-strateg  bu  elementlarni  shunday  birlashtirishi  lozimki, 

bunda muvozanat va muvofiqlikka erishish talab etiladi.