Toshkent davlat iqtisodiyot universitetti magistratura bo’limi

3.4. Tadqiqotni o‘tkazish uchun zarur sharoitlar

Tadqiqotimizni amalga oshirish uchun kerakli adabiyotlarni elektron manbalardan va bosma nashrlardan olishni aytib o‘tdik. Bu borada o‘kuv dargoximiz, ya’ni TDIU binosida yetarlicha sharoitlar mavjudligini ta’kidlashimiz lozim. Jumladan, axborot-resurs markazi, kutubxona, elektron kutubxona, internet tarmog‘iga ulangan kompyuter auditoriyalar yetarliligi ishimizni ancha osonlashtiradi. Tadqiqotimiz mavzusi doirasida tegishli muassalardan ma’lumot so‘rash, yoki joyiga borib so‘rovnoma o‘tkazish, intervyu olish uchun kerak bo‘lganda

TDIU ma’muriyati tomonidan ruxsat olish bo‘yicha yozma bildirishnoma taqdim qilinishi ma’lumot to‘plash bo‘yicha ishlarimizda ancha engillik tug‘diradi. TDIU tomonidan grafikga asosan 2023 yil 14 yanvardan – 5 aprelgacha “AsakaBank” ATB bosh bankida o‘tkazilgan tajriba orttirish amaliyot dasturlari bevosita o‘z mutaxassisligimiz va tanlagan tadqiqot ishimizni bo‘yicha zarur ma’lumotlar to‘plashga amaliy va nazariy ko‘nikmalar olishga qulay sharoitni ta’minlab beradi.
3.5.Tadqiqot jarayonida kutilayotgan muammolar va ularning yechimi.
Tadqiqot jarayonida kutilayotgan muammolar haqida so‘z yuritganda, avvalambor tijorat banklaridan ularning faoliyatlari, xususan tavakalchilik faoliyatlariga taalluqli hisobotlar va ma’lumotlar, so‘rovnoma o‘tkazish va intervyu olish orqali ma’lumotlar olish jarayonida bir qancha muammolarga duch kelinishi tabiiy. Chunki, tijorat banklari o‘z faoliyatlariga tegishli ma’lumotlarni bank siri, tijorat siri deb bilishadi va oshkor qilishni hohlashmaydi. Bu muammoni yechish uchun ulardan olinadigan ma’lumotlar ilmiy tadqiqot o‘tkazish maqsadida foydalanilishi, bu esa kelgusida ilm- fan va respublikamiz banklari rivojiga ijobiy ta’sir qilishi mumkinligi tushuntirib o‘tilishi belgilab olindi. Bundan tashqari, bank mutaxassislari orasida anketa so‘rovnomasi o‘tkazish uchun ularning ma’lum vaqt ajratishlariga erishish lozim. Hozirgi kunda, bozor iqtisodiyoti sharoitida faoliyat yuritayotgan ko‘pchilik sohalarda bo‘lgani kabi banklarda ham xodimlar o‘z vaqtlaridan unumli foydalanib kelishmoqda. Bu esa bizga ularning juda band bo‘lgan kundalik grafiklaridan vaqt ajratishlarida qiyinchilik tug‘dirishi tabiiy. Bu muammoga yechim topish uchun biz anketa so‘rovnomalarini aynan “Asakabank” ATBda risklaarni baholash va boshqarish bilan ishlovi xodimlar orasida o‘tkazamiz. Bunda tadqiqotimiz avvalambor “Asakabank” ATB tizimining kelgusida bankda barcha operatsialardagi riskini boshqarish orqali kredit portfeli sifatini oshirishiga xizmat qilishi, qolaversa respublikamizning butun bank tizimi rivojlanishiga ta’sir ko‘rsatishini tushuntirish orqali bank xodimlarining anketa so‘rovnomalariga javob berishga vaqt ajratishlariga erishamiz.