Toshkent davlat iqtisodiyot universitetti magistratura bo’limi

III-BOB TADDQIQOT METADDDALOGIYASI
3.1. Tadqiqot Dizayni
Ushbu dissertatsiyada mavzu doirasida avval o‘rganilgan tadqiqotlarni o‘rganib, tahlil qilgan holda biz o‘rganishimiz, echim topishimiz kerak bo‘lgan savollarni shakllantirib oldik. Endi mana shu savollar asosida tijorat banklaridan risklarni kamaytirish masalasi bo‘yicha ma’lumotlar yig‘amiz. Yig‘ilgan ma’lumotlarni tanlagan tadqiqot usullarimiz va tahliliy uslublarimizdan foydalanib chuqur tahlilini amalga oshiramiz. Tahlil qilib, olingan natija va yechimlarimizdan kelib chiqib xulosa qilamiz. Bu xulosalarimiz asosida tijorat banklarida risklarni baholash va boshqarishni takomillashtirib tavakalchilikni kamaytirish bo‘yicha nazariy va amaliy taklif, hamda tavsiyalar ishlab chiqishimiz mumkin bo‘ladi.
3.2. Ma’lumotlarni to‘plash jarayoni
Tadqiqotni amalga oshirishimizda tadqiqot natijalarimizdan ko‘zlagan samarani olishimiz uchun, albatta tadqiqot mavzusi doirasida yetarlicha sifat va miqdoriy ma’lumotlar to‘plashimiz kerak bo‘ladi. Bu sifat va miqdoriy ma’lumotlarni birlamchi va ikkilamchi manbalardan to‘playmiz. Tijorat banklarida risklarni kamaytirish choralari xaqida yurtimiz va chet el olim, tadqiqotchilari tomonidan yaratilgan adabiyotlarning elektron, xamda bosma nashrlarini to‘plash tadqiqot mavzumizni nazariy jihatlarini yoritib berish uchun kerak bo‘ladi. O‘z navbatida, Markaziy bank va tijorat banklari, xususan “Asakabank” ATB saytlaridan olingan, yoki bevosita ularga yozma murojaat qilish orqali to‘plangan sifat va miqdoriy ma’lumotlarimiz yordamida dissertatsiyamiz mavzusini amaliy jihatdan yoritib beramiz. Birlamchi manbalardan olinadigan ma’lumotlarni yopiq savolli anketalarni joyiga chiqib, bankning aynan mavzumizga taalluqli bo‘limida ya’ni bosh bankda “Tavakalchilikni boshqarish ” departamentida, filiallarda “Bek ofis” bo‘limlaridagi mutaxassislarga tarqatib-yig‘ib olish usuli orqali to‘plashni rejalashtirganmiz.
3.3. Tahlil uchun qo`llaniladigan usullar
Tadqiqotni amalga oshirish jarayonida yig‘ilgan sifat ma’lumotlarini miqdorlashtirilgan va miqdorlashtirilmagan usullar yordamida tahlil qilamiz. Tijorat banklarida risklarni baholash va boshqqarish bilan bog‘liq to‘plangan miqdoriy ma’lumotlarimizni tasviriy va inferentsial statistika usulidan keng foydalanib taxlil qilishga harakat qilamiz. Jumladan, ma’lumotlarni grafiklar va tasvirlash usullari yordamida tadqiqotimizni boyitamiz.