Toshkent davlat agrar unversiteti termiz filiali

Karam hosilini yig’ishtirib olish mashinasi (2.37-rasm) qirquvchi apprat, uzatuvchi transporter, shnekli barg ajratuvchi 13, saralash stoli 12, yuklovchi transporter 10, yumshoq uzatuvchi 11 dan iborat. Mashina bir vaqtni o’zida yig’ishtirilgan karamni yonida ketayotgan transport vositasiga yuklab ketadi.

10.9-rasm. MSK-1 karam yig’ish mashinasining tuzilishi va ish jarayoni: 1-diskli pichoq; 2,4-shneklar; 3-reduktor; 5-konus; 6-g’ildirak; 7-transporter; 8,11-shneklar; 9,10-trans-portyerlar; 12-saralash stoli; 13-barg ajratgich.

Mashinaning ish jarayoni quyidagicha amalga oshiriladi. Mashina oldinga harakat qilganda aylanuvchi konuslar 5 va qabul qiluvchi shneklar 4 karamning ochiq barglari tagiga kiradi uni ko’taradi va tekislovchi shnek 7 ga uzatadi. Bunda karam tekislanib, u pichoq 1 yordamida kesiladi va yo’naltiruvchi transporter 8, qabul qiluvchi transporter 9 orqali barg ajratuvchi 13 ga uzatiladi. Barg ajratuvchi shneklar karam barglarini qirqadi va ularni saralash stoli 12 da ikki ishchi yordamida saralanib, transporter 10 ga tashlanadi, so’ngra tozalangan karamlar yo’naltirgich 11 orqali mashina yonida harakatlanayotgan transport vositasiga yuklanadi.
Ildizmevalarni yig’ishtirish mashinasi (13.10-rasm) yordamida qator orasi 35-50 sm va yo’lak kengligi 10 sm dan katta bo’lmagan qatorli qilib ekilgan sabzi, lavlagi va boshqalar yig’ishtirib olinadi.
Ushbu mashina quyidagi qismlardan: barg to’plagich 7, silkituvchi apparat 6, kovlagich-lemex 8, barg ajratgich 5, elevator 3, yuklovchi transporter 2 va chiqindidan tozalagich 1 dan iborat.
Mashina quyidagicha ishlaydi. Mashina oldinga harakatlanganda barg to’plagich 7 barglarni silkituvchi apparat 6 ga yo’naltiradi. SHu bilan bir vaqtda ildizmevalar joylashgan tuproq qatlamini lemex 8 kesib uni yumshatadi.
SHu paytda silkitgich appratining tasmali uzatmalari sabzavot barglarini qisib oladi va ildiz mevasini tuproqdan sug’irib oladi hamda barg ajratgich elevatori 5 ga uzatadi.