Toshkent davlat agrar unversiteti termiz filiali

10.6-rasm. KPU-2 meva yig’ish mashinasining tuzilishi va ish jarayoni:
1va 3- ilgichlar; 2 va 4-o’ng va chap agregatlar; 5-kontayner; 6 va 7-bo’ylama va ko’ndalang transportyerlar; 8-tebratgich.



VUM-15A rusumli o’ziyurar shassiga o’rnatilgan meva yig’ish mashinasi qator orasi 3-4 m va diametri 3,5 m gacha bo’lgan olcha, olxo’ri va olma kabi yarim butali daraxtlarning mevasini yig’ib olishda foydalaniladi.
Mashinaning asosiy qismlariga tebratgich 2 (2.30-rasm), transporter 3, osma 4 va ko’chirma 1 brizentdan yasalgan ilgichlar, ventilyator va transporterga harakat uzatish mexanizmi kiradi.
Mevalarni yig’ish uchun agregat qator orasida yurib daraxtning tanasiga tebratgichning qisqichi to’g’ri kelguncha harakatlanadi. So’ngra gidrosilindr yordamida transporter 3 daraxt tanasigacha suriladi. SHu bilan birga osma ilgich 4 ish holatiga qo’yiladi.
Yordamchi ishchilar qo’shimcha ilgich 1 ni daraxtning yoniga o’rnatadi. Natijada daraxt atrofida bir tekis qabul qilish yuzasi tashkil etiladi.

10.7-rasm. Meva yig’ish mashinasining ( VUM-15A) tuzilishi va ish jarayoni: 1- ilgich; 2-tebratgich; 3-transporter; 5-ekran; 6-shassi; 7-konteyner; 8-ventilyator.

Vibrator 2 ishga tushiriladi va daraxt tanasiga amplitudasi 24 mm bo’lgan va minutiga 1200 tebranish beriladi. Uzilgan mevalar ilgichlarga tushib yig’iladi va transporter 3 ga tushib konteyner 7 ga uzatiladi. Mevalar konteynerga tushish paytida ventilyator 8 hosil qilgan havo oqimi yordamida yengil chiqindilardan tozalanadi. Konteyner mevalarga to’lgach shassining yuklash joyiga qo’yiladi.
Tavsiyaviy xulosa.Meva va uzumlar hosilini yig’ishtirib olishdan oldin ularni saqlash yoki zudlik bilan qayta ishlov berish imkoniyatini hisobga olgan holda maxsus mashinalar va agregatlarni tanlashga alohida ahamiyat berish kerak.