Toshkent davlat agrar unversiteti termiz filiali

Agrotexnik talablar: Kombayn jatkasidagi don nobudgarchiligi, ko’pi bilan 0,5%, kombayn orqasidagi yerga to’kilgan don miqdori, ko’pi bilan 1,5%, bunkerdagi donning shikastlanganlik darajasi,ko’pi bilan 2%, bunkerdagi donning tozaligi, eng kamida 95% ni tashkil etishi kerak.
9.2. G’alla o’rish mashinalari va ularni ishga tayyorlash
Kombaynlar asosiy ishchi qismlarining tasniflanishi. Kombaynlar yanchish apparatlarini tuzilishiga qarab baraban-taglikli, barabanli va rotorli turlarga bo’linadi.
Baraban-taglikli apparatlar aylanuvchi baraban va ko’zg’almas taglikdan iborat. Barabanlar shtiftli va savagichli turlarga bo’linadi.
SHtiftli baraban o’rnatilgan yanchish apparati aylanuvchan barabanga shaxmat tartibida joylashtirilgan shtiftlar va qo’zg’almas panjarasimon taglikdan tashkil topgan. Savagichli baraban o’rnatilgan yanchish apparati baraban sirti bo’ylab, uning o’kiga parallel kertikli savagichlar o’rnatilgan.
G’alla hosilini yig’ishtirib olishda jahonning yetakchi “Keys” va “Klass” firmalarida ishlab chiqarilgan zamonaviy yuqori unumli kombaynlaridan foydalanilmoqda.
“Keys” firmasining rotorli kombaynlari begona o’simliklardan, ayniqsa, g’alla poyalariga o’ralib o’suvchi (pechak) va yo’g’on poyali (qamish, g’umay, ko’k sho’ra) kabi bir va ko’p yillik begona o’tlardan tozalangan maydonlarda, “Klaas” firmasining barabanli kombaynlari esa turli darajada o’t bosgan maydonlardagi g’allani o’rib olishda yuqori samaradorlik bilan ishlash imkoniyatiga ega.
Don o’rish kombaynlarini tuzilishi. “Keys” kombayn­larining asosiy ishchi qismlari jatka va qiya transporter, don bunkeri va shneklar, rotorli yanchish-ajratish qurilmasidan iborat (10.3-rasm). Kombayn texnologik ish jarayoni kuyidagicha kechadi. Motovilo bug’doy poyalarini o’rish apparatiga egib keladi va qirqish vaqtida ularni suyab turadi, so’ngra o’rilgan poyalarni o’rgich (jatka) tubiga yotishiga yordam beradi.
O’rgich shnegi chetdagi poyalarni o’rtaga to’plab, ularni qiya transportyorga yetqazib beradi. Transportyor o’z navbatida o’rilgan massani yanchish apparatiga uzatadi.Te schiransportyor uzatayotgan g’allani rotorning uchidagi vintsimon kurakchalar qobiq ichiga tortib kiritadi va rotor bilan panjarasimon taglik orasidagi tirkishga siljitadi.