Toshkent davlat agrar universiteti

Lizing xizmatlarini bozorga olib kirishda bir necha tadbirlar o‘tkazilishi kerak, jumladan:

• 
  potensial mijozlarni mavjud lizing xizmatlari va uning ijobiy xususiyatlari haqida xabardor qilish, potensial lizing oluvchini ob’ektni lizing shartlarida olish zarurligiga ishontirish (lizing xizmatlarining maqsadli reklamasi);
  
• 
  lizing kompaniyasi obro‘sini oshirish hisobiga lizing ob’ektlari savdosini rag‘batlantirish (lizing beruvchining nufuzi reklamasi);
  
• 
  lizing shartlaridagi savdo samaradorligini ta’minlaydigan lizing ob’ektini sotish tizimini tashkil qilish;
  
• 
  savdoni lizing beruvchining chegirmalari tizimi va reklama orqali rag‘batlantirish.
  

Lizing xizmatlarini bozorga olib kirishda shuni e’tiborga olish kerakki, iste’molchining maqsadi lizing xizmati yordamida yuzaga kelgan muammolarni hal qilishdan iborat. Shu sababli lizing marketingi doirasida lizing xizmati iste’molchining muammolarini hal qilish jarayoniga aylantirilishi lozim, bu esa standartlashtirilgan xizmatlar emas, balki har bir mijozga individual yondashishni talab qiladi. Bu ayniqsa, lizing xizmatlariga talab sust bo‘lgan hollarda muhim ahamiyat kasb etadi, chunki ko‘p hollarda mijozlar lizing yordamida o‘z muammolarini hal qilish mumkinligidan bexabar bo‘ladi.

Yuqorida bayon etilgan fikrlarga asoslangan holda aytish mumkinki, lizing biznesining o‘ziga xos xususiyatlarini hisobga olgan holda va keltirilgan marketing majmui, uning asosiy vositalari yordamida amalga oshirilgandagina lizing kompaniyasi faoliyati samaradorli bo‘lib, lizing xizmatlari bozorida muvaffaqiyatga erishishi mumkin, ya’ni:

• 
  ko‘rsatilayotgan xizmatlar sifatini oshiradi. Sifatni oshirishga qaratilan marketing tadbirlari lizing xizmatlari ko‘rsatish sohasida ayniksa muhimdir, chunki xizmatni tovarga singari almashtirib bo‘lmaydi. Iste’molchi lizing kompaniyasining aybi bilan zarar ko‘rsa, bu zarar xizmatdan foydalanish xarajatlaridan bir necha baravar yuqori bo‘lishi mumkin;
  

• 
  mijozlarga namunali xizmat ko‘rsatishni ta’minlaydi;
  
• 
  potensial iste’molchilarning talablarini va ehtiyojlarni qondirishda resurslardan unumli foydalaniladi;
  
• 
  muayyan iste’molchilarning ehtiyojlari hisobga olinadigan yo‘nalishli sharoitlarni shakllantiradi;
  
• 
  faoliyat ko‘lamini kengaytirish va o‘z nufuzini oshirish hisobiga bozorda ustunlikka erishadi;
  
• 
  lizing beruvchi va lizing oluvchi o‘rtasidagi o‘zaro munosabatlarni takomillashtiradi;
  
• 
  lizing kompaniyasining bozorda samarali faoliyat ko‘rsatishini ta’minlaydi.