Toshkent davlat agrar universiteti sayyora xolmirzayeva

Mavzu boʻyicha savollar:
1.Matnlar tipologik jihatdan va mohiyatiga koʻra qanday koʻrinishlarga ega?
2.Matnlar hajm va mazmun belgisiga koʻra nechiga boʻlinadi,ularni izohlang.
3.Kishilarning nutqiy faoliyati qanday koʻrinishlarda aks etadi?
Topshiriqlar:
1.Iqtisodiy sohaga oid matn boʻyicha savollar tuzing.
BOZOR IQTISODIYOTIGA O‘TISH – bozor iqtisodiyotining amal qilishi uchun zarur bo‘lgan shart-sharoitlarni vujudga keltirish, yaratish davridir. Bozor iqtisodiyoti umumbashariy tizim bo‘lgani uchun dunyo davlatlarining deyarli barchasi shu yo‘ldan bormoqda. Jahon tajribasi ko‘rsatishicha, bozor iqtisodiyotiga inqilobiy (revolyutsion) yoki tadrijiy (evolyution) yo‘l bilan o‘tish mumkin. Birinchi holda, tub islohotlarni o‘tkazish, avvalgi tizimni va tarkib topgan iqtisodiy munosabatlarni birdaniga va batamom sindirish, tugatish asosida zamonaviy bozor iqtisodiyotiga o‘tishni taqozo etib, "falaj davolash" usuli ("shokovaya terapiya") deb ataladi. Bunday jadal o‘zgarishlar aholining keng qatlamlari turmush darajasining keskin pasayib ketishiga, kishilarning og‘ir, tushkun holatga tushib qolishiga, ishsizlik, kambag‘allik va qashshoqlikning kuchayishiga olib keladi.
Tadrijiy yo‘l eski iqtisodiy munosabatlarni bosqichma-bosqich yangi bozor munosabatlariga aylantirish orqali zamonaviy bozor iqtisodiyotiga ijtimoiy larzalarsiz, aholi turmush darajasining keskin pasayib ketishining oldini olgan holda o‘tishni ta‘minlaydi. O‘zbekiston zamonaviy, ijtimoiy yo‘naltirilgan bozor iqtisodiyotiga bosqichma-bosqich, ya’ni tadrijiy yo‘l orqali o‘tish modelini tanladi. Bu yo‘l bozor iqtisodiyotiga o‘tish borasida to‘plangan jahon tajribasiga, mamlakatning tabiiy-moddiy boyliklari, aholining tarixiy, milliy madaniy an’analari, yuksak qadriyatlari va ma’naviyatiga asoslangan.
O‘zbekiston Respublikasining birinchi Prezidenti I.Karimov tomonidan asoslab berilgan zamonaviy bozor iqtisodiyotiga o‘tish yo‘li ilmiy jihatdan puxta ishlab chiqilgan va mustaqillik yillarida o‘zining ijobiy natijalari bilan dunyo jamoatchiligi tomonidan "o‘zbek modeli” deb e‘tirof etilgan tub islohotlarni amalga oshirish yo‘lidir.

2.Quyidagi iqtisodiy terminlarni oʻzlashtiring hamda ularni qanday usullar bilan yasalganini izohlang.