Toshkent davlat agrar universiteti sayyora xolmirzayeva

Milliy iqtisodiyot – barcha tarmoqlar va sohalarni, mikro va makro darajadagi iqtisodiyotlarni, funksional iqtisodiyotni, ko‘plab infratuzilmalarni o‘z ichiga olgan yaxlit iqtisodiyot.
Makroiqtisodiyot – bu mamlakat miqyosida iqtisodiyotning o‘zaro aloqada va ta’sirda harakat qiladigan sohalari, tarmoqlari, hududiy tuzilmalarini bir butun qilib birlashtirgan milliy xo‘jalik tizimi.
Jamiyat miqyosidagi ishlab chiqarish jarayonlarining muntazam ravishda yangilanib va takrorlanib turishi ijtimoiy takror ishlab chiqarish deyiladi.
Yalpi milliy mahsulot – ma’lum vaqt davomida o‘z mamlakati yoki xorijda joylashgan milliy korxonalar tomonidan yaratilgan pirovard mahsulot va xizmatlar umumiy hajmining qiymati.
Yalpi ichki mahsulot – ma’lum vaqt davomida mamlakat hududida milliy va xorijiy korxonalar tomonidan yaratilgan pirovard mahsulot va ko‘rsatilgan xizmatlar umumiy hajmining jami qiymati.
Milliy hisoblar tizimi – bu barcha asosiy iqtisodiy jarayonlarni, takror ishlab chiqarish sharoitlari, jarayonlari va natijalarini tavsiflovchi o‘zaro bog‘liq makroiqtisodiy ko‘rsatkichlar va guruhlar tizimi.
Yalpi talab – barcha iste’molchilar, ya’ni aholi, korxonalar va davlat tomonidan narxlarning muayyan darajasida sotib olinishi mumkin bo‘lgan turli tovarlar va xizmatlarga bo‘lgan talabning umumiy hajmidir.
Yalpi taklif – iqtisodiyotda har qanday mumkin bo‘lgan narxlar darajasida ishlab chiqaruvchilar ishlab chiqarishga tayyor bo‘lgan milliy ishlab chiqarishning real hajmidir.
Unumli iste’mol bevosita ishlab chiqarish va xizmat ko‘rsatish jarayoniga tegishli bo‘lib ishlab chiqarish vositalari va ishchi kuchidan ishlab chiqarish maqsadida foydalanish jarayonini anglatadi.
Shaxsiy iste’mol ishlab chiqarish sohasidan tashqari ro‘y berib, bevosita o‘zlarining shaxsiy ehtiyojlarini qondirish maqsadida foydalaniladi.
Moddiy iste’mol – ehtiyojlarni qondirishda moddiy ko‘rinishdagi ne’matlardan foydalanish.