Toshkent davlat agrar universiteti samarqand filiali

2.6-rasm. G‘o‘zapoyaning massasini aniqlash jarayonidan lavha

Agarda chigit ekish 90×10–1 sxemada amalga oshirilgan bo‘lsa, bir gektar maydonda 110 mingdan ortiq g‘o‘za niholi bo‘ladi. S6524 navli bitta g‘o‘zapoyaning o‘rtacha massasi 135,24 g bo‘lganda bir gektar maydonda o‘rtacha 15,1 t g‘o‘zapoya bo‘ladi.

2.2-§. G‘o‘zapoyalarni pushtada joylashganligi

Kombinatsiyalashgan agregat g‘o‘zapoyalarni maydalash qurilmasining agrotexnik ish ko‘rsatkichlariga ta’sir etadigan omillardan biri g‘o‘zapoyalarni qatorda joylashishi hisoblanadi. G‘o‘zapoya qatorlari orasidagi masofaning agrotexnik talab darajasida saqlanishi, ularni maydalanish sifatiga, ya’ni maydalangan bo‘laklarning bir xilligini taminlashga ta’sir qiladi. SHu sababli g‘o‘zapoya qatorlari orasi kengligi o‘rganildi [50 B.14–17.].

G‘o‘zapoya qatorlari orasidagi kenglik dala boshlanishi, o‘rtasi va oxirida o‘lchanib, o‘rtacha qiymati aniqlangan. Buning uchun uzunligi 4,0 m bo‘lgan reyka tayyorlanib, unda har bir sm da belgi va 90 sm da esa mix qoqilgan. O‘lchash olib boriladigan kenglikdagi g‘o‘zapoyalar bo‘g‘zidan o‘rib, qatorlar g‘o‘zapoyadan tozalangan. G‘o‘zapoya bo‘g‘zining mixdan o‘ng yoki chap
tomonda joylashganligi va masofasi o‘lchanib, qatorlar orasi kengligining o‘rtacha qiymati aniqlangan (2.7-rasm) [50 B.14–17.].

1 – g‘o‘zapoya; 2 – o‘lchov lineykasi; 3 – maxsus reyka; 4 – rostlash tagligi.

7.