Toshkent davlat agrar universiteti samarqand filiali

2.5-rasm. G‘o‘zapoyalarning namligini aniqlash jarayonidan lavha

G‘o‘zapoyaning namliklari aniqlandi va ularning o‘rtacha qiymatlari hisoblanib, jadval ko‘rinishida ifodalanadi (2.1-jadval).

1. – jadval.

Balandligi bo‘yicha g‘o‘zapoyaning har 10 sm uzunlikdagi bo‘lakchalarining namligi

Ko‘rsatkich nomi	Balandlik bo‘yicha bo‘lakchalar kesimida, sm
	0	10	20	30	40	50	60	70	80	90
Namlik, %	69,0	68,4	64,3	56,9	49,1	44,9	31,0	22,1	15,6	11,0

2.1-jadvaldan ko‘rinib turibdiki, g‘o‘zapoyaning namligi uning balandligi oshib borishi bilan pasayib bormoqda. Balandlik 90 sm ga etganda uning namligi 11 foizga tushib qoldi. Tajribadagi g‘o‘zapoyalar balandligi 90 sm dan katta bo‘lganda eng keyingi 10 sm masofada ham shunday holat takrorlanishi kuzatildi.

G‘o‘zapoyaning massasi. Har bir gektar maydonga qancha miqdordagi g‘o‘zapoya sochilishi mumkinligini aniqlash maqsadida dala boshlanishi, o‘rtasi va oxiridan 10 donadan g‘o‘zapoyalar ildizi bilan kovlab olindi va ildizi tuproqdan suv bilan yuvish orqali Constant 14192-641C rusumli elektron tarozida o‘lchanib amalga oshirildi.
O‘lchashdan oldin g‘o‘zapoyalar ildiz qismi tuproqdan tozalanadi va maxsus joyga qo‘yilib Constant 14192-641C rusumli elektron tarozida o‘lchandi. Olingan natijalar uch takroriylikda amalga oshirildi va ularning o‘rtacha qimatlari hisoblandi.
Barcha g‘o‘zapoya tabiiy namligida yuqorida rusumi keltirilgan elektron tarozida o‘lchanib, bir dona g‘o‘zapoyaning o‘rtacha massasi hamda ildiz tizimidan boshlab uning uchigacha bo‘lgan har 10 sm bo‘lakchalarining massasi aniqlandi (2.6-rasm).