Toshkent davlat agrar universiteti samarqand filiali

Oltinko‘z lichinkalarini don kuyasi bilan oziqlantirish. Tuxumlardan chiqqan oltinko‘z lichinkalari don kuyasi kapalagi tuxumi, lichinkasi, xatto kapalaklari bilan ham oziqlanadi. 15-18 kun o‘tgach lichinkalar oziqlanishdan to‘xtab pilla o‘raydi va g‘umbakka o‘ta boshlaydi. Keyin 6-8 kun o‘tgach bankada oltinko‘z imagolari paydo bo‘ladi. Ular darhol uchirib olinib, ichida tasma matolari bo‘lgan, toza 3 litrli bankalarga 70-80 tadan solinadi.

Etuk zot oltinko‘zdan tuxum olish. Oltinko‘z solingan bankalarga asal surtilgan mato osiladi va banka ichiga har biri 4-5 ta qurt ezilgan silliq qog‘ozchalar tushiriladi. Shuningdek ozuqa sifatida pivo achitqisining 40% li avtolizati bankaning ichki devoriga surtiladi. Oltinko‘z etuk zoti oziqlangach, 3-4 kundan keyin yoppasiga tuxum qo‘yishga kirishadi. Tuxum qo‘yilgan matolar har kuni olinib, oltinko‘zlar mato tasmalar solingan toza bankalarga ko‘chirilib yuqorida aytilgan usulda oziqlantiriladi. Oltinko‘z har kuni yangi bankalapga ko‘chirib turilmasa kasallanadi. Oltinko‘z tuxum ko‘yishi bir oygacha davom etadi.

Oltinko‘z etuk zoti to‘liq uchib bo‘lgach, arpalar yana yangilanadi, agar kapalaklar ko‘p bo‘lca arpadan ikkinchi marta foydadansa ham bo‘ladi. Olingan tuxumlarni dalaga chiqarish yoki yana oltinko‘z ko‘paytirishda foydalaniladi. Oltinko‘zni yangi ko‘paytirish usuli oldingi usulga nisbatan 2-3 marotaba arzon va samarali bo‘lib, hozirgi kunda bu usulni tadbiq etish Respublikamizning barcha viloyatlar biolaboratoriyalarida amalga oshirilmoqda.