Toshkent davlat agrar universiteti agrologistika va biznes fakulteti

2.3.Investitsiya faoliyati, moliyaviy faoliyat va soliq to‘lashlardagi pul oqimining tahlili.
Investitsiya faoliyati – pul ekvivalentlariga kiritilmagan uzoq muddatli aktivlar va boshqa investitsiya obyektlarini sotib olish va sotish. Boshqacha aytganda, pul mablag‘larining investitsion faoliyat bo‘yicha harakati uzoq muddatli aktivlarni shakllantirish va qisqartirish hamda uzoq va qisqa muddatli investitsiyalarni sotib olish, sotish muomalalari natijasida yuzaga keladi (4-jadval).
4-jadval
Investitsion faoliyat bo‘yicha pul mablag‘lari harakati

Pul tushumlari	Pul to‘lovlari
Asosiy vositalarni sotishdan olingan pul tushumlari	Asosiy vositalarni xarid qilish bilan bog‘liq to‘lovlar
Nomoddiy aktivlarni sotishdan olingan pul tushumlari	Nomoddiy aktivlarni xarid qilish bilan bog‘liq to‘lovlar
Uzoq va qisqa muddatli investitsiyalarni sotishdan olingan tushumlar	Uzoq va qisqa muddatli investitsiyalarni sotib olish bo‘yicha pul to‘lovlari
Boshqa pul tushumlari	Investitsion faoliyatning boshqa pul to‘lovlari

Moliyaviy faoliyat – xo‘jalik yurituvchi subyektning faoliyati bo‘lib, uning natijasida o‘z mablag‘i va qarz mablag‘lari miqdori va tarkibida o‘zgarishlar yuz beradi. Ushbu ta’rifdan kelib chiqqan holda ularni quyidagicha tasniflash mumkin (5-jadval).

5-jadval
Moliyaviy faoliyat bo‘yicha pul mablag‘lari harakati