Тошкент ахборот технологиялари университети “телевидение асослари”

DVB-T тизимининг узатиш қисмида сигналларга ишлов бериш.
Турли ишлаб чиқарувчилар қурилмаларининг ишлашларини мослаштириш учун рақамли модуляцияланган радиосигналлар параметрларинининг стандартлари белгиланади. Рақамли ер усти телеэшиттириш тизимларининг узатиш қисмидаги сигнал ва маълумотларга ишлов бериш ташкилий чизмаси 3.4-расмда келтирилган.



3.4. расм. DVB-T тизимининг узатувчи қисмининг ташкилий чизмаси

Узатилаётган маълумот (тасвир сигналлари, овоз сигнали, графика ва бошқа хизмат маълумотлари) MPEG-2 MPEG-4 кодер стандартларида сиқиштирилади ва (ҳар бир кўриниш алоҳида) кодланади. Сўнгра мультиплексирлаш усули билан дастур оқими яратилади ва унга видеосигнал, овоз сигналлари ҳамда зарур ҳолатларда графика ахборотлари киритилади.

Кейин бир неча дастурлар оқимини бирлаштириш MPEG-2 нинг транспорт оқимини шакллантиради ва бу оқим ўз навбатида яна иккита ташкил этувчи транспорт оқимларига ажралади.
Бундан сўнг ахборотга ишлов бериш ОFDM (ортогонал частота мультиплексори) канали кодерида амалга оширилади. Сигнал аввал рандомизация боғламасидан ўтади ва у ерда квазитасодифий сигналга айлантирилади.
Рандомизацияга MPEG-2 транспорт пакетлари кетма кетлигини таъминловчи рақамли оқимларни мослаштириш оперцияси мос келади (6.2-расм).
3.5-расм. MPEG-2 нинг транспорт пакетларининг мослашуви.

PRBS кетма-кетлик генератори 15 разряди регистрлар силжиши базасида қурилган ва тескари алоқа занжири билан боғланган (3.6-расм). Шакллантирилаётган кетма – кетликни тасодифийга ўхшашлиги ва қабул қилгичда узатилаётган маълумотни тиклаш учун ҳар бир 8-чи пакетнинг бошида PRBS генератори инициализация (қўшимча код билан текширилади) қилинади, шу мақсадда уни 100101010000000 сони билан юкланади. Инициализациядан сўнг псевдотасодифий кетма - кетликнинг PRBS биринчи бити, транспорт оқимининг дастлабки байтининг биринчи бити билан қўшилади.

3.6-расм.Маълумотларни рандомизатори