Тошбоев Ш. О. 17 Болалар анестезиологияси

9.1. Ингаляцион анестетиклар.
Анестезиология ривожланишининг илк босқичларида шифокорлар 
тасарруфида атиги бир нечтагина ингаляцион анестетиклар – тиббий эфир, 
хлороформ ва циклопропан бўлган холос. Уларни қўллаш бирмунча 
қийинчиликлар билан амалга оширилган, чунки ушбу анестетиклар осон 
оловланиш, портлаш хавфига эга бўлиш билан бирга, кўпинча беморларда 
ножўя реакцияларга сабаб бўлган. Хозирги пайтга келиб ушбу 
анестетиклар қўлланилмай қўйган ва фақатгина тарихий аҳамиятга эга. 
Галоген тутвчи анестетиклардан биринчи бўлиб 1951 йилда галотан 
синтезланган ва уларнинг юқори самарага эга эканлиги, шунингдек, 
портлаш ва оловланиш хавфи йўқлиги боис анестезиологияда катта 
бурилиш ясади. Галотан наркознинг текис индукцияси ва кечишини 
таъминловчи қониқарли фармакодинамик хусусиятларга эга бўлса-да, уни 
“мукаммал анестетик” деб бўлмайди: унинг организмдаги метаболизми 
анча юқори бўлиб, сингдирилган дозанинг 15-20% ни ташкил қилади ва 
жигар, буйракларга токсик таъсир кўрсатиши мумкин. Ушбу жихатлар 
ингаляцион наркоз учун бошқа воситаларни жадал равишда излашни 
тақозо қилди. 1960 йилда метоксифлюран (пентран) ишлаб чиқилди, бироқ 
унинг метоболизм даражаси галотандан ҳам юқори эканлиги (50% гача) 
маълум бўлди, баъзи беморларда эса наркоздан кейинги даврда токсик 
нефрит ривожланишига сабаб бўлганллиги туфайли хозирги пайтда 
қўлланилмайди. Шундай қилиб, галотан ва метоксифлюран галоген 
тутувчи анестетикларнинг “биринчи авлоди” ни ташкил қилди. Энфлюран 
кейинги авлод анестетикларидан бири бўлиб, у 1971 йилдан бошлаб, 

---

34 
кейинроқ эса, 1980 йилдан бошлаб изофлюран ишлатила бошланди. 
Энфлюран ва изофлюран “иккинчи авлод” анестетиклари қаторидан жой 
олдилар. Ушбу икки анестетиклар галотанга нисбатан юқори 
самарадорликка эга бўлиб тез индукцияланиш ва беморни наркоздан тез 
уйғотиш имконини беради. 2-авлод анестетикларининг яна бир фарқли 
жихати улар биотрансформациясининг жуда пастлиги ва токсик 
реакцияларнинг кам учрашидир. 
“Учинчи авлод” препаратларига севофлюран (1990 й.) ва дезфлюран 
(1993 й.), шунингдек инерт газ хисобланувчи ксенон (1999 й.) киради. 
Бошқа ингаляцион анестетиклардан индукцияланиш ва уйғонишнинг янада 
тезлиги, шунингдек минимал токсикликка эгалиги ушбу авлод 
анестетикларининг асосий афзалликлари хисобланади. 
9.1-жадвал.