Topshiriq. Quyidagi abzatsni namunaga qarab tahlil qiling

3-topshiriq.Quyidagi xulosalash bosqichlariga e’tibor bering va ularni to‘g‘ri (ketma-ket) tartibda joylashtiring.



4 - topshiriq. Quyidagi qurilmalar asosida gaplar tuzing va shu gaplar asosida matn yarating. (Nyuton qonunlari)
Kimning? tashkil qiladi.

Nimani?

Nima? bir-biriga teng.

Nimaning?

Qanday? harakatini saqlaydi.

Nimani?

Nima? proporsional.

Nimaga?

5-topshiriq. “Аbu Rayhon beruniyning ilmiy merosi” mavzusidagi ilmiy ishning kirish qismini yozing.

6-topshiriq. Biror ilmiy asardan parcha keltiring (sitatali qismini) vа jadvalni davom ettiring.

“Notiqning chiqishi kamdan – kam hollarda savol- javolarsiz o‘tadi. Notiq tinglovchilarga beradigan savollar ularni faollashtiradi, nutq mavzusiga qiziqish uyg‘otadi, nutqni samarali qabul qilishga rag‘batlantiradi. Tinglovchilar tomonidan beriladigan savollar auditoriya kayfiyatining o‘ziga xos mezoni bo‘lib,notiqni o‘z nutqini to‘g‘irlashga majbur qiladi”. (Magzumova Sh.Sh. va boshqalar. Notiqlik san’ati. O‘quv qo‘llanma. Toshkent-2014).

NAMUNA:

Ishora qiluvchi fraza	Sitata muallifi	Ishora fe’li	Sitata	Havola
Bu fikr ko‘pchilikka ayondir.	Fridman	aytganidek	“Inflatsiya – bu soliq solishni qonuniylashtirish talab qilinmaydigan shakli hisoblanadi”	(1994:93)

7- topshiriq. Matn parchalarini o‘qing, asosiy mazmunini ifodalovchi gaplarni daftaringizga o‘ng tomoniga, yordamchi, qo‘shimcha mazmun bildiruvchi gaplarni chap tomonga yozing va o‘zaro qiyoslang.

1. 
   Inson yer yuzasida hayot va faoliyat ko‘rsatish davrining dastlabki pallasida asosiy nutq turi sifatida imo-ishora alohida ahamiyat kasb etadi. Shuning uchun etnik stereotiplar asosida muayyan kechinmalarni, ma’lum axborotlarni shaxslararomunosabat jarayonida uzatish va qabul qilish ifodalovchi tovushsiz, lekin ma’noli, mazmunli nutq turi imo-ishorali nutq deyiladi. Masalan, o‘zbeklarda fikrni tasdiqlash old tomonga bosh siltash bilan ifodalansa, xuddi shu ma’noni bolgarlarda boshni sarak-sarak qilish anglatib keladi. Aksariyat hollarda imo-ishora his-tuyg‘usiz namoyon bo‘ladi va shaxslararo munosabatning tub ma’nodagi ham quroli, ham vositasi funksiyasini bajarib kelgan.
   
2. 
   Yuz harakatlari (fizionomiya) yordamida insonni inson tomonidan idrok qilish,o‘zgalar fikriga javob qaytarish, tana a’zolari rangining o‘zgarishi hisobiga shaxslararo munosabatga kirishishda namoyon bo‘luvchi noverbal nutq turiga mimika deyiladi. Tabassum, jilmayish, miyig‘ida kulish, qosh uchirish va suzish, xullas psixologik holatlarni, ayniqsa hissiy kechinmalarni aks ettiruvchi kommunikativ, interaktiv xususiyatli nutq turi mimika bo‘lib hisoblanadi. U mono vaziyatni, diada, triada, poliada ko‘rinishidagi shaxslararo munosabat shakllarini yaqqol aks ettiradi, fikrni uzatish, qabul qilish, ta’sirlanish, ruxlanish kabi funksiyani bajaradi.
   
3. 
   Yuz harakatlari, tana a’zolari, qaddi-qomat yordami bilan fikrlarni uzatish, syujetli, qoidali, ma’noli, dramatik kechinmali noverbal nutq turiga pantomimika deb ataladi. Pantomimika yumor hissini, qo‘rqinch tuyg‘usini, zahmat obrazini, dahshat kechinmasini o‘zida aks ettirib, ko‘pincha kommunikativ funksiyani ijri qiladi, hissiy aloqa o‘rnatish orqali taasurotlar mukammalligi ta’minlanadi.
   

8 - topshiriq. Kichik guruhlarda ishlash texnologiyasi. Mavzu: ilmiy maqola yozish.

Guruhlar o‘zlari tanlagan mavzu bo‘yicha material to‘playdi va ularni umumlashtirib, tahlil qilib, ilmiy maqola tyyorlaydi.