To’plamning muallifi to’g’risida ma’lumot

Silindrning ishchi hajmi — ushbu hajm porshen YUCHN dan PCHN ga harakatlanib bo‘lganida hosil bo‘ladi va V_h harfi bilan belgilanadi.

Siqish kamerasining hajmi — porshen YUCHN da turganida uning tubi bilan dvigatel blokining kallagi orasidagi hosil bo‘lgan hajm (V_c).

Silindrning to’la hajmi — porshen PCHN da turganida uning tubi bilan dvigatel blokining kallagi orasida hosil bo‘lgan hajm bo‘lib, u quyidagicha aniqlanadi:

V = V + V.

Siqish darajasi -o‘lchov birligi yo‘q son bo‘lib, porshen PCHN dan YUCHN ga yetganida ishchi aralashmaning hajmi necha marta kamayishini ko‘rsatadi. Siqish darajasi qancha ko‘p bo‘lsa, siqish takti oxiridagi ishchi aralashmaning harorati va bosimi shuncha katta bo'ladi.

Ish sikli — silindr ichida ketma-ket bajariladigan jarayonlar majmuasi natijasida yoqilg'i energiyasini mexanik ishga aylantirishni ta’minlaydi.

4 taktli dvigatellarda ish sikli tirsakli valning ikki marta aylanishida sodir boladi (porshenni to'rt marta bir chekka nuqtadan ikkinchisiga borib kelganida), 2 taktli dvigatellarda esa tirsakli valning bir marta aylanganida (porshen ikki marta borib kelganida) ish sikli to‘liq sodir bo‘ladi.

Takt — dvigatel ish siklining bir qismi bo‘lib, porshenni bir chekka nuqtadan ikkinchi chekka nuqtaga harakatlanishi vaqtida bajariladi, ya’ni takt porshenni bir martadagi to‘liq yo'lida sodir bo‘ladi.