Tomoshalar tarixi о zbekiston Respublikasi Oliy va о ‘rta maxsus ta 'lim vazirligi 5210300 aktyorlik san'ati

«Chrevoveshatel» - og'zini ochmasdan gapirish

Estradada og'zini ochmasdan gapira oladigan aktyorlar o'z nomerlarini ko‘rsatgan. Ular qo'g'irchoq bilan dialogli sahnalarni qurib, o'zi oddiy odamlarday gapirgan, qo'g'irchog'i esa xuddi jonli odamday unga javob bergan. Qo'g'irchoq javob berayotganda aktyor labi qimirlamagan. So'zlarning to'liq va ravon eshitilishi esa tomoshablarni hayratga solgan. Bunday iqtidorga ega bo'lgan aktyorlar kam uchrasa ham bu janr estradada o'zo'rniga ega bo'ldi. Mazkur nomerni konferanse «men sahnaga ajoyib qobiliyat egasi - ventrolog aktyorni taklif qilaman», deb e’lon qilgan. Demak, bunday nomer sohibi estradada «ventrolog» nomi bilan mashhur bo‘lgan.

21. 
    Miniatyura - «kichik shakl»li janr
    

Miniatyura - fransuzcha «kichik shakl» ma’nosini anglatadi. Tomosha san’atida raqs, qo‘shiq, she’r hamda sirk nomerlari o'zining kichik shakli bilan qadimda ma’lum va mashhur edi. Bu shakl qisqa dialogli hazil - pyesalar, intermediya, sketch, vodevillar ko'rinishida asta-sekin sahnada o'z o'rnini topdi. Bunday kichik shakldagi tomoshalar miniatyura nomi bilan, estrada san’atiga kirib keldi. Miniatyuralar XV111 asrning oxrlarida Yevropadagi konsertlarning tarkibiy qismlariga aylandi.
XIX asrga kelib kichik shakldagi sahna ko'rinishlari butun Yevropa tomoshogohlarini egalladi. Kichik shakldagi pyesalar - miniatyuralarni ijro qiladigan aktyorlar turli-tuman xarakterlar yarata boshladilar. Bu janr rivojlanishiga hajv yozuvchilari juda katta hissa qo'shishdi. Natijada, miniatyura janri XX asrga kelib Rossiyada o'z teatriga ega bo'ldi. Miniatyutra teatrlar estrada aktyorlarining eng qobliyatlilarini o'zida jamladi. Tomoshabinlar endi bir kechada bir necha muallifning asarlari asosida sahnalashtirilgan miniatyuralarni tomosha qilisha boshlashdi. Bunday kichik shakldagi tomoshalarga estrada aktyorlari bir kechada o'nlab xarakterli qiyofalarni yarata oldilar. Bu janrning qudrati ham ana shunda edi.

22.