Томонидан дарслик сифатида тавсия этилган

Агросаноат бирлашмалари бир турдаги маҳсулот ишлаб чиқарувчи 
ва унга боғлиқ ишлаб чиқариш фаолияти билан шуғулланувчи бир неча 
хўжалик ҳамда корхоналарнинг бирлашмасидир.
Масалан, боғдорчилик 
ва узумчилик билан шуғулланувчи хўжаликлар, улар маҳсулотини қайта 
ишловчи цех ва заводлар, истеъмолчиларга етказиб берувчи савдо-сотиқ 
корхоналари 
бир 
технологик 
жараёнга 
бирлашиб 
агросаноат 
бирлашмаларини ташкил қилади. Бирлашма иштирокчилари ишлаб чиқариш, 
хўжалик ва молиявий мустақилликларини сақлаб қолиши билан бирга, 
уларнинг умумий мулки ҳам таркиб топиб боради. 
Агросаноат комбинатлари
қишлоқ хўжалик маҳсулотларини 
етиштириш, қайта ишлаш ва истеъмолчиларга етказиб беришгача барча 
технологик жараёнга хизмат қилувчи хўжалик ва корхоналарнинг 
маълум бир ҳудудида бирлашувидир.
Агробизнес турига кўнгилли ва 
пайчилик маблағлари асосида ташкил қилинган турли хил уюшма ва 
иттифоқларни ҳам киритиш мумкин. 

---

289 
Қишлоқ хўжалигидаги давлат корхоналари, жамоа хўжаликлари ва 
ширкатлари, турли хил мулкчилик асосида ташкил қилинган қўшма 
корхоналар ҳам агробизнес турлари сифатида фаолият кўрсатади. 
 
13.4. Ўзбекистонда аграр ислоҳотларни амалга ошириш ва янада 
чуқурлаштиришнинг асосий йўналишлари
 
Ўзбекистонда аграр ислоҳотлар қишлоқ хўжалиги ишлаб чиқаришининг 
самарадорлигини ошириш, мулкчилик муносабатлари ва шаклларини тубдан 
ислоҳ қилиш, фермер хўжаликларини ривожлантириш ва мустаҳкамлаш, 
қишлоқларни обод этиш асосида қишлоқ аҳолисининг даромадлари ва 
турмуш даражасини юксалтириш вазифаларининг амалга оширилишини 
кўзда тутади.
Ўзбекистон қишлоқ хўжалиги 2008 йилда мамлакат ялпи ички 
маҳсулотининг 19,4 фоизини етиштириб берди, иқтисодиёт тармоқларида 
банд бўлган аҳолининг 26,8 фоизи қишлоқ хўжалиги ҳиссасига тўғри келди 
(13.4-жадвал). 
Жадвалдан кўринадики, Республикамиз аграр тармоғида амалга 
оширилаётган туб иқтисодий ислоҳотлар ва таркибий ўзгаришлар 
натижасида қишлоқ хўжалигининг асосий иқтисодий кўрсаткичлари ўсиб 
бормоқда. Ўтган 2001-2007 йиллар оралиғида жорий нархларда қишлоқ 
хўжалиги ялпи маҳсулоти қиймати ўсиб бориш динамикасига эга бўлиб, 2001 
йилдаги 1476,3 млрд. сўмдан 2008 йилда 7134,6
млрд. сўмга етган ёки 4,8 
баравардан кўпроқ ўсган.