Tolali optik uzatish tizimlarining raqamli liniya kodlarining tuzilishi

2.4 Optik modulyator va uning turlari
Yorug‘lik nurlanishini tashqi va ichki modulyatsiyalash jarayonini amalga oshiruvchi qurilmalar optik modulyatorlar deb ataladi. Ularning ish mexanizmi optik eltuvchiga ta ’sirning ko‘rib o ‘tilgan turlaridan biridan foydalanishga asoslangan bo‘lishi mumkin. Shunga ko‘ra modulyatorlarning quyidagi turlari mavjud:
— optik muhitda sodir bo‘ladigan elektrooptik jarayonlardan foydalanishga asoslangan elektrooptik modulyatorlar;
— optik muhitda sodir bo‘ladigan akustooptik jarayonlardan foydalanishga asoslangan akustooptik modulyatorlar;
— optik muhitda sodir bo‘ladigan magnitooptik jarayonlardan foydalanishga asoslangan magnitooptik modulyatorlar;
— yarimo‘tkazgichli tuzilmalarda sodir bo‘ladigan elektrooptik jarayonlardan foydalanishga asoslangan yarimo‘tkazgichli modulyatorlar.
Optik modulyator raqamli yoki analog signallarni modulyatsiyalashga m o‘ljallangan bo‘Iishi mumkin. Yuqoridagi ta’rifda qayd etilganidek, optik modulyatorlarning ikki xili — ichki va tashqi m odulyatorlar mavjud. Ikkala xil modulyatorlar, aksari ko‘p hollarda, optik eltuvchini faza bo‘yicha modulyatsiyalab beradi.
Tashqi modulyator taglikda optik to ‘lqin uzatkich sifatida tayyorlanadi va u bir modali yoki qutblangan optik tolaning kirish va chiqishidagi yorug‘lik oqimini axborot signaliga mos tarzda muvofiqlashtirish uchun xizmat qiladi.
Optik modulyator yordamida yorug’lik manbayi-lazer diodining tashqi modulyatsiyasi, ya’ni manbadan tashqaridagi modulyatsiyasi ta’minlanadi. Lazer diodi rezonatori parametrlarini o'zgartirish yoTi bilan amalga oshiriladigan ichki modulyatsiyalash imkoniyati ham mavjud. Yarimo‘tkazgichli lazerlarda ichki modulyatsiya jarayoni asbob ishchi elektr rejimini o ‘zgartirish, gaz lazerlarda esa optik rezonator aslligini o‘zgartirish hisobiga amalga oshiriladi. Biroq-shuni ta’kidlash joizki, bitta qurilmada generatsiya va modulyatsiya jarayonlarini ro'yobga chiqarish, odatda, yorugTik manbayi parametrlarini yomonlashtiradi. Chunonchi, nurlanish intensivligini sodda usul bilan samarali boshqarish imkoniyatini beradigan yarimo‘tkazgichli lazerlarda ichki modulyatsiya, odatda, generatsiya bo‘sag‘asining oshishiga, nurlanish moda tarkibining buzilishiga olib keladi.