Ўтмишни ўйлаб ўртанди юрак Шеър ёзмабман атаб бир мисра

Томчилар

Кўкдан тушган томчилар

Юрагимга санчилар
Ҳижроннинг хар бир ғами
Оғир экан бунчалар

Кўкдан тушган томчилар

Йўлларимга сочилар
Севги эшигин очсам
Армонга йўл очилар

Кўкдан келган томчилар

Ерга тушиб янчилар
Томчилар –бу кўнглимга
Ўхшаш экан шунчалар

Кўкдан тушган томчилар

Сил кўнглимни қамчилар
Ҳижронга асир этди
Мени бу ёлғончилар

Кўкдан ёққанда ёмғир

Юрак-бағрим зил оғрир
Севги дарди билинмас
Армон юки бир оғир

Қайсар экан томчилар

Сўзимга кўнмадилар
Мени жиққа хўл қилиб
Дардимни ювмадилар

Кўкдан тушса лайлакқор

Унга битта арзим бор
Қайғуларим эслатиб
Бермасин менга озор

18
Шифокор

Оқ либосдек – шаффоф кўнгил

Қиёс мисли оппоқ қорга
Бемор кулгусидан ўзга
Ҳеч бахт йўқдир шифокорга

Дардини берган оллоҳим

Шифони хам бериши бор
Лек шу давога сабабчи
Бўлар қўли гул шифокор

Ҳар ниятга етишамиз

Чин кўнгилдан қилсак ихлос
Қолаверса шифокорлик
Ибн Синодан бизга мерос

Соғлом авлод- соғ келажак

Жони фидо шу халқига
Яшнасин халқим деб ҳисса
Қўшар ўз юрт равнақига

Қасам ичган шифокорнинг

Касбига ҳурмат ўзгача
Ҳар бир беморнинг курашар
Энг сўнги нафасигача

Даво топган беморимиз

Раҳмат ила дил хушласин
Соф кўнгилдай оқ либосга
Ҳеч бир қачон доғ тушмасин

Дунёдаги ҳар касб-амал

Ҳар машғулот ҳам керакдир
Менинг учун мисли ҳаёт
Шифокорлик БАХТ демакдир.
Айт

Юрагим ҳижроннинг ўтида ёнар

Соғинч юрагимнинг четидан йўнар
Алдасанг индамайжимгина кўнар
Қачон учрашамиз айт.
Тўлин ойдай тўлиб чиройга тўлсанг
Шунчалар соғиндим сен агар билсанг
Жоним сен ҳам мени соғинган бўлсанг
Қачон учрашамиз айт.

Қўй. Жоним йиғлама фикрингдан тўхта

Мен учун сендай қиз оламда йўқ-да
Соғинч азобига қўйиб биз нуқта
Қачон учрашамиз айт.

Сочингни бир силаб ўтса бу шамол

Ўз домига тортиб кетади ҳаёл
Бизни кутиб қолди ўша мажнунтол
Қачон учрашамиз айт.

Айланиб қолмасдан ҳижрон асирига

Соғинч ҳам ширин азоб аслида
Қадам қўйайлик висол қасрига
Қачон учрашамиз айт.

Соғиниб кўклардан жим назар солдим

Сен мени изладинг мен-чи йўқолдим
Бугун учрашайлик севгим илтимос
Қабримга бир келгин соғиниб қолдим.
20