Тўловга қобилиятсизлик белгилари

Сash-flow ёки тижорат тўловга қобилиятсизлик бешта ҳолат (1) (а) (b) c) (d) (e) билан исботланади (улардан иккитаси Шимолий Ирландия ва Шотландия учун алоҳида белгиланган). 1986 йилдан бери сash-flow тўловга қобилиятсизликнинг реал мавжуд бўлиши ҳақидаги мунозаралар давом этиб келади. Айниқса, ишда қатнашувчи шахслар сash-flow тўловга қобилиятсизликнининг мавзудлигини исботлаш учун (шартномавий) шартли ва истиқболли мажбуриятларнинг ҳолатини ҳам аниқлаши керак бўлади ва бу, ўз навбатида, кредиторларга қийинчиликларни келтириб чиқаради. Шартли мажбурият муайян воқеа ёки ҳодиса содир бўлиши билан вужудга келадиган, истиқболли мажбурият деганда эса келажакда муддат ўтиши билан юзага келиши кутилаётган шартномалардан келиб чиқадиган мажбуриятлар назарда тутилмоқда.
Сash-flow тўловга қобилиятсизлик бевосита корхонанинг тўлов қобилиятини тиклаш, келажакда пул тушумини яратиш орқали корхонани сақлаб қолишга қаратилган десак муболаға бўлмайди. Жеф Сендс тўғри таъкидлаганидек, муваффақиятли реструктуризацияга фақат келажакдаги пул тушуми орқали эришилади, тугатиш жамиятга зарар етказади, соғломлаштириш кўпчиликни таъминлайди ва иқтисодий ҳаётни ҳимоя қилади⁶.
Сash-flow тўловга қобилиятсизликнинг моҳиятан Ўзбекистон қонунчилигида белгиланган банкротлик ишини қўзғатиш шартларига яқин.
Balance-sheet тўловга қобилиятсизлик (2) қарздор активларнинг миқдори мажбуриятлар миқдоридан, шартли ва истиқболли мажбуриятларни ҳисобга олганда, камлиги тушунилади. Агар корхона муддати келган қарзларни бартараф қила олса ва жорий мол-мулк мажбуриятларни қоплашга етарли бўлса, у тўловга қобилиятли деб ҳисобланади. Balance-sheet тўловга қобилиятсизлик белгилари мавжудлиги қуйидагича аниқланади:

Жорий мол-мулк
Дебиторлик қарзлар		4,644	4,696
Пул маблағлари ва пул эквивалентлари		14,096	12,815
Бошқа инвестициялардаги улушлар		-	2,093