Тинчлик ва инсоният хавфсизлигига қарши жиноятлар урушни тарғиб қилиш

Террорчилик фаолиятини амалга ошириш мақсади деганда, террорчилик ҳаракатини уюштириш, режалаштириш, тайёрлаш ва амалга оширишдан, террорчилик ҳаракатига ундашдан, террорчилик ташкилотини тузишдан, террорчиларни ёллаш, тайёрлаш ва қуроллантиришдан, уларни молиялаштириш ва моддий-техника жиҳатидан таъминлашдан иборат бўлган фаолиятни амалга ошириш мақсади тушунилади.
Жиноятнинг субъектив томони айбнинг қасддан содир этилиши билан тафсифланади.
Жиноят субъекти 16 ёшга етган ақли расо жисмоний шахс ҳисобланади.
Ўзбекистон Республикаси ҳудуди орқали ҳаракатланиш деганда шахсларнинг муайян давлат ҳудудидан террорчилик фаолиятини ўрганиш ва унда иштирок этиш учун Ўзбекистон Республикаси ҳудуди орқали ҳар қандай тарзда ўтиши тушунилиши лозим.
ЖКнинг 155²-моддасининг 2-қисмида назарда тутилган жиноят одамларни ёллашга қаратилган ҳаракатлар бажарилган пайтдан бошлаб тугалланган ҳисобланади.
ЖКнинг 155²-моддаси 3-қисмида рағбатлантирувчи норма назарда тутилган бўлиб, унга кўра, ушбу моддада назарда тутилган жиноятни содир этган шахс, агар у террорчилик фаолиятини амалга ошириш ёхуд ушбу Кодекснинг 155, 158, 159, 161, 242, 245, 254, 2551 ва (ёки) 264-моддаларида назарда тутилган жиноятлардан бирини содир этиш мақсадида ўтказилаётганлиги ўзи учун аён бўлган ўқувдан ўтганлиги тўғрисида ҳокимият органларига ихтиёрий равишда хабар қилса, содир этилган жиноятни фош қилишга ёки бундай ўқувдан ўтган, бундай ўқувни амалга оширган, ташкил этган ёхуд молиялаштирган бошқа шахсларни, Шунингдек ўқув ўтказилган жойни аниқлашга фаол кўмаклашса ва агар унинг ҳаракатларида жиноятнинг бошқа таркиби мавжуд бўлмаса, жиноий жавобгарликдан озод қилинади.
10.ТЕРРОРИЗМНИ МОЛИЯЛАШТИРИШ
Терроризмни молиялаштиришнинг объекти – тинчлик ва хавфсизликни таъминлаш борасидаги ижтимоий муносабатлар, Ўзбекистон Республикасининг жамоат хавфсизлигини таъминловчи ижтимоий муносабатлар ҳисобланади.
Фуқароларнинг ҳаёти, соғлиги ва мулкий манфаатлари, давлат мулки хавфсизлигини таъминлаш борасидаги ижтимоий муносабатлар терроризмни молиялаштиришнинг қўшимча объекти ҳисобланади.