Timss baholash dasturi. Reja

Hayot haqidagi fan
Toʻrtinchi sinfda biologiya fanini oʻrganish oʻquvchilarning tugʻma qiziquvchanliklari asosida atrofdagi jonli tabiatni anglashga imkon beradi. TIMSS 2019 da biologiya fani beshta mavzu doirasini qamrab olgan:
Organizmlarning xususiyatlari va hayotiy jarayonlari:

• 
  Hayot sikllari, koʻpayish va irsiyat
  
• 
  Organizmlar, atrof-muhit va ularning oʻzaro taʻsiri
  
• 
  Ekosistemalar
  
• 
  Inson salomatligi
  

Toʻrtinchi sinfga kelib, oʻquvchilarda organizmlarning umumiy xususiyatlari, ularning funksiyasi, boshqa organizmlar va atrof-muhit bilan oʻzaro munosabatlari haqida boshlangʻich bilimlar shakllangan boʻlishi kutiladi. Shuningdek, oʻquvchilar hayot sikllari, irsiyat va inson salomatligiga oid asosiy tushunchalarni bilishlari kerak, bu esa yuqori sinflarda inson tanasi qanday ishlashini yanada chuqurroq anglashga olib keladi.
Fizika fani
Oʻquvchilar toʻrtinchi sinfda oʻzlarining kundalik hayotlarida kuzatadigan bir qator fizik hodisalarni fizika fanidagi tushunchalar yordamida qanday tushuntirish mumkinligini bilib olishadi. Toʻrtinchi sinfda fizika fani mazmun sohasiga quyidagi mavzular kiradi:

• 
  Moddalarning xususiyatlari va oʻzgarishlari, moddalar klassifikatsiyasi
  
• 
  Energiya shakllari va energiyani uzatish
  
  • 
    Kuch va harakat
    

Toʻrtinchi sinf oʻquvchilari moddaning fizik holati (qattiq, suyuq va gaz), shuningdek, moddaning holati va shaklidagi umumiy oʻzgarishlar toʻgʻrisida tasavvurga ega boʻlishlari kerak; bu esa oʻrta va yuqori sinflarda kimyo hamda fizika fanlarini oʻrganishda asos boʻlib xizmat qiladi. Ushbu bosqichda oʻquvchilar energiyaning umumiy shakllari va manbalarini, ulardan amalda foydalanilishni bilishlari hamda yorugʻlik, tovush, elektr va magnitlanish haqidagi asosiy qonuniyatlarni tushunishlari kerak. Kuchlar va harakatni oʻrganish kuchlar haqidagi tushunchaga urgʻu beradi, chunki ular harakatlarga aloqador boʻlib, oʻquvchilar gravitatsiya yoki itarish va tortish taʻsiri kabilarni kuzatishlari mumkin.