Tilning leksik qatlamiga yangi kirib kelgan so‘z va atamalarning og‘zaki nutqda qo‘llanilish muammolari

Lug‘at - til tizimining eng beqaror va sezgir jihati bo‘lib, jamiyat rivojlanishi bilan eng tez mutatsiyaga uchraydi. Dunyo mamlakatlari bilan madaniy almashinuvlarda boshqa milliy madaniyatlarning ta’siri dastlab xitoy tilining lug‘at tizimida namoyon bo‘ldi. Bir tomondan, o‘zlashmalarni olish xitoy tilining lug‘at tizimiga yangi elementlarni kiritdi, bu esa xitoy tilining rivojlanishini zamon bilan yanada rivojlangan va ifodalashda xilma-xil bo‘lishiga olib keldi. Boshqa tomondan, u xitoylarga ham ma’lum bir salbiy ta’sir ko‘rsatadi. Shuning uchun ham dissertatsiya ishimizning dolzarbligini – Xitoy tilidagi neologizmlarning og‘zaki nutqda qo‘llanilish muammolarini tahlilga tortib yoritib berish deb oldik.

“Xorijiy tillarni o‘rgatish bo‘yicha kelajak uchun mustahkam poydevor bo‘ladigan yangi tizimni yo‘lga qo‘yish vaqti keldi” – Shavkat Mirziyoyev.
Tadqiqotning ob’yekti va predmeti. Magistrlik dissertatsiya ishining ob’yekti xitoy va o‘zbek leksikasiga chet tilidan o‘zlashtirilgan so’zlar bo‘lib, predmeti esa ushbu o‘zlashmalarni o‘zlashtirish va qo‘llanilishida duch kelinadigan muammolar.
Tadqiqotning maqsad va vazifalari. Xitoy va o‘zbek leksik qatlamidagi neologizmlarni og‘zaki nutqda uchraydigan muammolarini tahlil qilish maqsadida, quyidagi vazifalarni belgilab oldik:
Tadqiqot mavzusi bo'yicha mavjud ilmiy adabiyotlarni o'rganish;
Neologizmlarning mavjud turlarini ko‘rib chiqish;
Leksik neologizmlarni shakllantirishning asosiy usullarini ko'rib chiqish;
Neologizmlarni monografik tarzda diaxronik va sinxronik tahlilini ko‘rib chiqish;
Tilshunoslikladi neologizmlarni umumiy nazariy va metodik tafsiflash;
O‘zbek tili leksik qatlamiga so’z o‘zlashtirish usullarini o‘rganish va ularni tahlilga tortish;
Xitoy tili leksik qatlamiga so‘z o‘zlashtirish usullarini o‘rganish va ularni tahlilga tortish;
So‘zlarning talaffuz jarayoni vaqtida duch kelinishi mumkin bo‘lgan muammolarni tahlilini amalga oshirish