Tikish va bichish” to’garagi haqida tushuncha

Bichiq detallari: old bo‘lak etak qismi — 1 dona, orqa bo‘lak etak qismi — 2 dona, old koketkasi — 1 dona, orqa koketka 2 dona, yeng — 2 dona, ustki yoqa — 2 dona, ostki yoqa —2 dona, manjet — 2 dona.



Ishlov berish ketma-ketligi. Old bo‘lak koketkasi va etak qismi o‘rta chiziqlari bo'ylab sirma qaviqlar bilan ko'klab chiqiladi, cho‘ntak o‘rni belgilanadi. Qoplama cho‘ntakka ishlov beriladi, to'rlari burma hosil qilinib cho‘ntakka ulanadi va cho'ntak old bo'lalning belgilangan joyiga awal qo‘lda ko‘klab, so’ngra mashinada qo‘yma chok bilan biriktiriladi. Koketkalaming yelka qirqimlari qo‘lda ko'klab biriktiriladi va kiydirib ko'riladi, yelka chokining holati, koketkaning kengligi va uzunligi, bo‘yin o‘mizi qirqimi aniqlanadi. Koketkaning yelka choki mashinada biriktiriladi va yo‘rmalanadi, chok old tomonga qaratib yotqizib dazmollanadi. To’r tasmaning tikiladigan tomoni bo‘yicha ikki qator sirma qaviq yordamida burma hosil qilinib, koketkaning chetlariga qo'lda ko‘klab ulanadi. Old va orqa bo‘lak etak qismlarining yon qirqimlari awal qo‘lda ko‘klanadi, so‘ngra mashinada biriktirib tikiladi, choklar yo‘rmalanadi va old tomonga qaratib yotqizib dazmollanadi. Etak qismining yuqori qirqimlari bo'ylab ikki qator sirma qaviq tikiladi va qaviq iplaridan tortib burma hosil qilinadi. Koketka bilan etak qismi qo‘lda ulanadi, bunda ularning o'rta chiziqlari о zaro mos bo‘lishi kerak. Yenglarning yon qirqimlari biriktirma chok bilan tikiladi va yo‘rmalanadi, choklar yotqizib dazmollanadi. Yeng boshi qirqimlari bo‘yicha 0,8—1,2 santimetr masofada ikki qator mayda sirma qaviqator solinadi va burma hosil qilinadi. Yenglar awal o'rta chizig'i yelka chokiga, pastki choki etakning yon chokiga to‘g‘rilanib, to‘g‘nog‘ich bilan qadab olingandan keyin yeng o‘miziga ko'klab biriktiriladi. Shundan so‘ng ko‘ylakni kiydirib ko'riladi va yon choklar, yeng o'mizi holati, yengning to’g’ri o‘rnatilganligi, ko‘ylak uzunligi aniqlanadi. Yeng mashinada o‘mizga biriktiriladi va choklar yo‘rmalanadi. Yoqaga ishlov beriladi va bo‘yin o‘miziga o‘tqaziladi. Yengning pastki qirqimlari burmalanadi va manjetlar ulanadi. Ko‘ylakning orqa bo‘lagida taqilmasiga ishlov beriladi. Ko‘ylakning etak qirqimlari 3—4 santimetr kenglikda bukilib, yashirin qaviqqator bilan tikiladi. Taqilmaning belgilangan joylarida petlalar tikiladi va tugmalar qadaladi. Ko‘ylak iplardan, vaqtinchalik tikilgan qo‘l choklaridan tozalanib dazmollanadi.

Yoqalarga ishlov berish

Yenglarga ishlov berish