Тижорат банклари фаолиятининг мазмуни ва назарий асослари

5-расм. Алоқабанкнинг активлари миқдорининг ўсиш
динамикаси²¹ (млн.сўмда)

Расмдаги маълумоларга кўра АТ Алоқабанк активлар микдори 2012 йилда 622688,9 млн. сўмни ташкил этган бўлса, 2016 йилда бу кўрсаткич деярли 2,5 баробарга ошиб, 1560543,3 млн. сўмдан ошганлигини кўриш мумкин..

Тижорат банкларининг молиявий барқарорлиги ва ишончлилигини янада ошириш, тижорат банкларининг ресурс базасини мустаҳкамлаш эса, биринчи навбатда, улар фаолиятининг самарадорлиги даражасига, яъни рентабеллик кўрсаткичларига боғлиқдир.
Тижорат банклари активларини таҳлил қилганда активларнинг умумий қолдиғини, активлар таркибини, ликвидлилигини, ҳамда ўтган даврга нисбатан тафовутларини аниқлаш муҳим ҳисобланади.

6-расм.АТ Алоқабанкнинг кредит ва лизинг портфелининг ўсиш динамикаси²², (млн.сўмда).
Банк активлари билан параллел равишда кредит портфелини ҳам барқарор ўсишини таъминлай олган. Охирги 5 йил давомида кредит портфели ҳажми 2,7 баробарга ошиб, ўртача миқдорда 1086234,8 млн. сўмни ташкил этган. Бу эса банк активларининг 69,61 фоизини ташкил этган. 2014 йилда ўтган йилга нисбатан 35% ошган бўлса, 2015 йил давомида ўтган йилга нисбатан 18%ни ташкил этганлигинини кўришимиз мумкин.
Агар Алоқабанк фаолиятига назар ташлайдиган бўлсак, барча молиявий кўрсаткичлари, яъни капитал, фойда, активлар, мажбуриятлар, депозитлар, даромад келтирувчи активлар, кредит, инвестиция портфеллари доимий, барқарор ўсиш даражасига эга. Банк янгидан-янги филиаллар очиб, банк хизматларини кенгайтирмокда.
Банклар фаолиятида активларнинг рентабеллиги жуда мухим аҳамиятга эгадир. Чунки банк активларининг рентабеллиги орқали унинг фаолияти якунларига хулосалар беришимиз мумкин бўлади. Қуйидаги жадвалда республикамиз тижорат банкларининг активлари рентабеллигига баҳо берилган.
3-жадвал
Тижорат банкларида активлар рентабеллиги бўйича 2017 йил 1 январь холатига маълумот²³

№