Tibbiyot psixologiy asi

Barcha ruhiy kuchlarning manbai miyadir.
Abu Ali ibn Sino

1. 
   Neyropsixologiya fani haqida tushuncha va uning
   qisqacha tarixi
   

Neyropsixologiya fani miya va psixologik jarayonlar orasidagi o'zaro
munosabatlami, bosh miyaning lokal va diffuz zararlanishlarida oliy ruhiy
funksiyalarning buzilishlarini o‘rganuvchi fandir. Neyropsixologiya
psixologiya, fiziologiya va nevrologiya fanlarining yutuqlariga tayangan
holda XX asrning 40-yillarida alohida fan sifatida shakllana boshladi.
Lekin dastlabki neyropsixologik tekshiruvlar o'tgan asrning boshlarida
o'tkazila boshlangan. Bu davrda neyropsixologiyaning rivojlanishiga
G.Xed, K.Goldshteyn, K.Kleyst, U.Penfild, M.Gazzaniga, X.Lipmann,
G.Jasper kabi olimlar katta hissa qo‘shdilar. Lekin dastlab alohida fan
bo‘lib shakllanishiga ulkan hissa qo‘shgan olim, uning asoschilaridan
biri akademik Aleksandr Romanovich Luriyadir (1902-1977).
Neyropsixologiya fani quyidagi masalalami o'rganadi:

1. 
   psixologik sistemalar ta’limoti;
   
2. 
   oliy ruhiy funksiyalarning shakllanish qonuniyatlari va ularning
   dinamik joylashuvi;
   
3. 
   bosh miya katta yarim sharlarining spetsifik funksiyalari yoki
   

funksional asimmetriya ta’limoti;

4. 
   neyropsixologik buzilishlarning
   sindromolik tahlili;
   
5. 
   topografik diagnostika usullari (Luriya
   usullari);
   
6. 
   neyropsixologik korreksiya usullari va
   hokazo.
   

Bugungi kunda neyropsixologiya fanining
vazifalari biroz boshqacha talqin qilinadi. 0‘z
ilmiy yo'nalishlarini yo‘qotmagan holda,
neyropsixologiya fani tibbiy amaliyotga keskin
kirib keldi. Neyropsixologlar jamiyati safi
nevrologlar hisobiga kengaydi. Ko‘pgina
tibbiy universitetlarda klinik neyropsixologiya
bo'limlari (kafedralari) faoliyat ko'rsata
boshladi. Mashhur klinik psixologlar - Judit