Tibbiyot instituti talabalari uchun

Tirilgan organizmning kasalligi.
Muvaffaqiyatli reanimatsiyadan keyin 
jarohatlanuvchining organizmi hayot uchun muhim organlarning gipoksik 
jarohatlanishi tufayli ancha muddatda muhim patologik holatda bo’ladi (Negovskiy 
495

---

V.A., 1971). Bunda asosiy o’rinni bosh miyaning zararlanishi – anoksiyadan 
keyingi entsefalopatiya egallaydi, chunki markaziy nerv sistemasining gipoksiyasi 
ko’pincha reanimatsiyani muvaffaqiyatli oqibatini aniqlaydi.
Og’ir gipoksik zararlanish tufayli jabrlanuvchi tiriltirgandan keyin odatda 3-
5 kunida o’ladi. Agar o’lim birinchi sutkada sodir bo’lsa, bunda bosh miya 
mikroskopik jihatidan shishgan, bo’kkan bo’lib, miyachasi katta engsa teshigiga 
kirgan bo’ladi. 2-3 sutka o’tgach, miya yarim sharlari kulrang tuguni zonasida 
simmetrik nekrozlar va shuningdek po’stloq qismining plastinkasimon va diffuz 
nekrozlari ko’zga tashlanishi mumkin. Kamdan kam hollarda bosh miyaning total 
nekrozi kuzatiladi.
Tiriltirilgandan keyin birinchi soatda o’lganda gistologik tekshirishda faqat 
miya hujayrasining tinktorial xususiyati biroz o’zgarishi ko’rinadi. 2-3 sutkadan 
keyin ganglioz hujayralari va ularning aksonlarini emirilishi natijasida po’stloq 
qismida «bo’sh» o’choqlar hosil bo’lsa, 3-4 sutkadan keyin miya oq moddasi 
mielin tolalarining destruktsiyasi ko’zga tashlanadi (Permyakov N.K., 1979).
Reanimatsion va transfuzion asoratlaridan o’lganda odatda juda murakkab 
kliniko-anatomik taxlil o’tkazilishi zarur. Bunday hollarda sud tibbiyoti 
ekspertizasi etakchi mutaxassislari ishtirokida (reanimatologlar, gematologlar va 
boshqalar) komission holda o’tkaziladi. Ekspertizani sifatini yaxshilash uchun 
sektsion tekshiruv usullari, kliniko-anatomik taxlillar, sud tibbiyoti tashxisi tuzilish 
printsipi va jarohatlanishlar (kasalliklar) ning oqimiga reanimatsiyaning har xil 
oqibatlari ta’sirida sodir bo’ladigan o’limning sabablari haqidagi savollarga 
javobni shakllanishida yuqoridagi masalalarni qayta ko’rib chiqilishining 
ahamiyati kattadir.