Tibbiyot instituti talabalari uchun

Tiriltirilgan organizm kasalliklari:
1. Entsefalopatiyaning anoksiyadan keyingi turi.
2. Kardio-pulmonal sindrom.
3. Jigar-buyrak sindromi.
4. Oshqozon-ichak sindromi.
5. Endokrinopatiyaning anoksiyadan keyingi turi.
Hozirgi davrda faqat reanimatsiyaning travmatik asoratlari etarlicha aniq 
o’rganilgan va yozilgan.
Yurakni ochiq uqalash
odatda kasalxona sharoitida har xil operatsiyalar 
vaqtida yuragi birdaniga to’xtab qolganda amalga oshiriladi. Bunday uqalash 
natijasida deyarli barcha hollarda epikard, endokard tagida, miokardda ko’plab qon 
quyilishlar yuzaga keladi. Bemor o’lganidan bir necha kundan keyin mikroskop 
tagida aniq shish, miokardning tolalanishi, yorilishi va mushak tolalari nekrozi, 
leykotsitar infiltratlar aniqlaniladi.
Yurakni yopiq uqalashda ayniqsa ko’proq qobirg’alar va tush suyagining 
sinishi kuzatiladi. N.V.Sklifosovskiy instituti sektsion materiallari taxlilining 
ko’rsatishicha, 36 foiz hollarda bunday sinishlar kuzatiladi (Kaliteevskaya V.F. va 
boshqalar, 1977).
Ba’zan yurakni tashqi uqalashda ichki organlar ham, jumladan perikardning 
yorilishi, miokardning yirtilishi va yurak gemotamponadasi (odatda 100-150 ml 
dan ko’proq); plevra devorini yirtilishi va o’pka to’qimasida gemo- va 
pnevmotoraksning rivojlanishi; jigar va taloqning yorilishi natijasida 
491

---

gemoperitonium (300-400 ml gacha qonning qorin bo’shlig’ida bo’lishi); 
oshqozonning kardial qismi shilliq pardasida jarohatlanishlar kuzatilishi mumkin.