Tibbiyot instituti talabalari uchun

Oyoqlar bilan jarohatlanish.
Agar jabrlanuvchi o’tirgan yoki turgan 
holatda bo’lsa oyog’i bilan oyoqlariga, jinsiy organlar joylashgan joyga va 
qornining pastki qismiga jarohat etkaziladi. Natijada kattagina qontalashlar paydo 
82

---

bo’lib, ba’zan bular bir-biri bilan qo’shilib ketadi. Qontalashlarning shakli 
oyoqning qaysi qismi bilan urilganda urilgan shaklini eslatadi (15-rasm). Ayniqsa, 
yotgan odamni oyoq bilan urilishi va bosilishidan og’ir jarohatlanishlar kuzatilishi 
mumkin. Bunda qobirg’alar, tush suyagining ko’p joyidan sinishi, ichki 
organlarning yorilishi, kalla-miyaning yopiq jarohatlanishi ko’zga tashlanadi.
Tishlar bilan jarohatlanish.
Turli tuman holatlarda jinoyatchi va 
jabrlanuvchida tishlanishlar kuzatilishi mumkin. Tishlangan yaralar ikkala 
yoysimon chiziqda joylashib, bukilgan tomoni bilan bir-biriga qaragan bo’ladi. 
Hosil bo’lish mexanizmiga ko’ra ular lat egan-yirtilgan yaralarga kiradi. Ba’zan 
tishlangan joyda faqatgina shilinishlar va qontalashlar qoladi (16-rasm).
Hayvonlar tomonidan jarohatlanish.
Odamlarga hayvonlar tuyog’i, shoxi 
va tishlari bilan jarohatlanish etkazadi. Ot va ho’kizlarning tuyog’i bilan urilganda 
qobirg’alarning sinishi, ichki organlarning yorilishi, og’ir kalla-miya jarohatlanishi 
kuzatiladi. Shoxi bilan urilganda kattagina yirtilgan, lat eb-yirtilgan va sanchilgan 
yaralar paydo bo’lib, ba’zan tana bo’shlig’iga kiruvchan hisoblanadi. Tishlanishda 
yoysimon lat eb-yirtilgan yaralar hosil bo’ladi. Ba’zan bunda teri va yumshoq 
83
15-rasm. Oyoq uchi va etik poshnasi 
bilan urilishda beli va 
orqasidagi qontalashlar
16-rasm. Terining dumba qismini 
tishlanishidan hosil 
bo’lgan shilinish.

---

to’qimaning ancha qismini yulinishi ko’zga tashlanadi.