Tibbiyot instituti talabalari uchun

Mikroskopik tekshirish.
X-xromatin MBI-6 mikroskopining oddiy nuri 
600

---

yordamida maksimal kattalikda aniqlaniladi. Y-xromatin lyuministsent mikroskopi 
yordamida o’rganiladi.
Natijalarni baholash.
To’g’ri natija olish uchun avvalambor tekshirish 
uchun yadroning yaroqlilik mezoniga aniq rioya qilish talab qilinadi. Bunda 
degeneratsiya belgisi bo’lmagan xromatin tuzilishi jarohatlanmagan yadrolar 
hisobga olinadi. Xromatinni qismlari va pardasi bo’lmagan, bo’yog’i ancha 
buzilgan yadrolar hisobga olinmaydi.
Tekshirish natijalarini baholash uchun matematik statistika usuli taklif 
qilingan bo’lib, bunda maxsus tuzilgan grafiklar yoki jadvallardan foydalanib 
Valdaning izchillik tahlilidan foydalaniladi.
16.11.4. Sud tsitologik tekshiruvida echiladigan boshqa savollar
Ekspertiza ob’ektini organ-to’qimalarga aloqadorligini aniqlash. 
Bunday tekshiruv o’tkazish zarurligi jarohatlovchi asbob va boshqa predmetlarda 
organ hamda to’qimalarni zarrachalari borligini aniqlashda tergov organlari sud 
tsitologik ekspertiza oldiga qator vazifalarni qo’yadi. Bunday hollarda, avvalo, 
zarrachalarni tabiati, ya’ni ular hayvon (odam) organizmidanmi yoki qandaydir 
o’simlikdanmi, yoki biologik xarakterga ega emasligini aniqlashga to’g’ri keladi. 
Zarrachalar predmetdan stereomikroskop yordamida ajratiladi va keyin ulardan 
preparatlar tayyorlanadi. Tsitologik tekshiruv biologik zarrachalarning hujayra 
tuzilishini osongina aniqlaydi va uni hayvon yoki o’simlikdan kelib chiqishini 
solishtirish imkoniyatini beradi. Agar zarrachani hayvonga aloqadorligi noma’lum 
bo’lsa, bunda serologik usuli (pretsipitatsiya reaktsiyasi) dan foydalaniladi.
Tekshiruv ob’ekti ancha katta bo’lganda uni organ yoki to’qimalarga 
aloqadorligi gistologik tekshiruvda aniqlaniladi. Qurigan to’qima bo’lakchalarini 
taxminan nam kamerada yoki maxsus suyuqlikda saqlanadi, chunki bu paytda ular 
dastlabki holatga qaytadi.