Tibbiyot instituti talabalari uchun

16.8. Dog’da qonni tekshirishda boshqa savollarni echilishi
Dog’dagi qonni jinsga aloqadorligini aniqlash.
Qonni u yoki bu shaxsga 
aloqadorligi to’g’risidagi savolni echishda jinoyatda ayblanuvchi yoki jabrlanuvchi 
har xil jinsning vakillari bo’lganda qonni jinsga talluqligini aniqlashga to’g’ri 
keladi. Bu usul jinsiy xromatinni topishga asoslangan.
Qon dog’iga qarab homiladorni aniqlash.
Homilador ayolni sog’ligi va 
hayotiga qarshi jinoiy ishni ochishda, shuningdek jinoiy abort va bola o’ldirishdagi 
ishlarda qon dog’larini va boshqa ob’ektlarni homilador ayoldan kelib chiqishi 
mumkinligini o’rganish muhim ahamiyatga egadir. Bu savolni echishda 
«gravidadiagnostikum» preparatidan foydalanish mumkin, chunki bu preparat 
klinik amaliyotda homilador ayolning siydigiga qarab tez tashxis qo’yishda 
qullaniladi.
Ob’ektni sud tibbiyoti usulida tekshirish M.I.Potapov, L.I.Barinova, 
P.E.Shikovlar (1977) tomonidan ishlab chiqilgan. Bu usulning asosida anti-XGG 
immun zardobi yordamida homiladorda kuzatiladigan xoriongonadotrop gormoni 
(XGG) ni aniqlash yotadi. Xoriongonadotrop gormoni o’zida saqlovchi 
tekshiriluvchi ob’ekt anti-XGG zardobini neytrallaydi va gormonlar bilan 
sensibilyatsiyalangan qo’y eritrotsitlari agglyutsinatsiyasini to’xtatadi. Ob’ektda 
XGG bo’lmasa zardobdagi anti-XGG ta’sirida sensibilizatsiyaga uchragan qo’y 
eritrotsitlari agglyutsinatsiyasi kuzatiladi.
Reaktsiya homiladorlik uchun to’liq xos emas, chunki kam hollarda keksa 
erkak va xotindan yuzaga kelgan ob’ektda va shuningdek ikkala jinsning ayrim 
580

---

kasalliklarida musbat natija ko’zga tashlanishi mumkin. Shuning uchun ham natija 
musbat bo’lganda ekspert tekshiruv ob’ekti homilador ayoldan hosil bo’lganligini 
inkor qilinmasligi to’g’risida, natija manfiy bo’lganda bunday xulosaga kelish 
mumkin emasligi haqidagi fikrga keladi, chunki XGG o’zining chidamliliga 
qaramasdan noqulay sharoitda emirilishi mumkin.