Tibbiyot instituti pediatriya kafedrasi «tasdiqlayman»

Ko’krak bilan emizishning ruhiy afzalliklari
Ko’krak bilan emizish ona bilan bola o’rtasida nozik, uzviy munosabatni shakllantiradi. Bundan tashqari chuqur hissiy qoniqish oladi. Tug’ruqdan keyin darhol yaqin muloqotda bo’lish bu o’zaro munosabatlarni shakllantiradi.
Bolalar tug’ruqdan so’ng onasi bilan qolsa va darhol ko’krak bilan emizilsa kam yig’laydi va tez rivojlanadi.
Ko’krak bilan bolasini boqadigan onalar bolasiga mehribon bo’ladi. Bola o’ziga kam e’tibor talab qiladi. Onalar o’z bolasidan voz kechishi kamayadi yoki bolasini xafa qilmaydi.
Ayrim tekshirishlar shuni ko’rsatadiki, ko’krak bilan emizish bolani aqliy rivojlanishiga ijobiy ta’sir qiladi. Kam vaznda tug’ilgan bolalar hayotining birinchi haftasida ko’krak suti bilan emizib boqilsa, kattaroq yoshda aqliy baholash o’tkazilganda, sun’iy ovqatlantirilgan bolalarga nisbatan yaxshi natijalar ko’rsatgan.
Ona sutining infektsiyaga qarshi mohiyati
1. Ona organizmidagi leykotsitlar himoya antitanalarini ishlab chiqaradi.
2. Alohida leykotsitlar ko’krak bezlariga tushib u yerda antitanalarni ishlab chiqaradi.
3. Onadagi infektsiyaga qarshi antitanalar sutga tushib bolani himoya qiladi.
Tavsiyalar
• Bola tug’ilgandan keyin ilk 30-60 daqiqa davomida ko’krakka tuting.
• 6-oygacha faqat ko’krak suti bilan boqing.
• 6-oydan keyin qo’shimcha ovqat bering.
• Ko’krak bilan emizishni 2 yoshgacha va undan ortiq davom ettirish mumkin.
Ko’krak yoshidagi bolalarni ovqatlantirishning har xil turlarini bayon qilishda qo’llaniladigan atamalar
1. Istisnosiz ko’krak bilan emizish:
Istisnosiz ko’krak bilan emizish – bu faqat ko’krak bilan emizish, qo’shimcha ovqat va ichimliklarsiz, shu jumladan suv ham berilmaslik (dori darmon, vitamin, mineral qo’shimchalardan tashqari; o’z onasining sog’ilgan ko’krak suti ham mumkin).
2. Ko’krak bilan emizishning ustuvorligi bilan ovqatlantirish:
Ko’krak bilan emizishning ustuvorligi bilan ovqatlantirish – ko’krak bilan emizishdan tashqari bolaga kam miqdorda suv yoki ichimlik, masalan, choy berish.