Тиббий биология ва генетика Тиббиёт олийгохи талабалари учун дарслик

Ҳужайра хошияси — бу айрим ҳужайраларнинг (ичак эпителийси ҳужайраларининг) апикал юзасидаги жуда кўп (450—600 та) цитоплазматик ўсимталардир. Уларнинг диаметри 0,1 мкм, ўзунлиги 1 мкм атрофида. Бу ўсимталар ичидаги микроипчалар — филаментлар ўзунасига жойлашади. Ҳужайраларнинг бундай хошия ҳосил қилувчи микроусиқчалари унинг фасит юзасини оширади
Киритмалар – ҳужайра цитоплазмасида турли (ҳаёт фаолияти учун зарур бўлган ёки ўз ҳаёт фаолиятининг маҳсули бўлган ) моддалар ҳолида бўлади. Ҳужайрада асосан тўрт хил киритмалар бўлиб,улар трофик, секретор,экскретор ва пигмент киритмалардир(36-расм).Маълум ҳужайраларнинг махсуслашишига қараб киритмалар ҳаммахсуслашади.
1.Трофик ( озуқавий ) киритмаларга – крахмал (ўсимлик ҳужайрасида)(37-расм), гликоген (ҳайвон ҳужарасида), липидлар, оқсиллар мисол бўлади.Бу киритмалар хайвон ҳужайраларида –ёғ томчилари,гликоген бўртиқчалари
36-расм.
ва сариқлик кўринишида , ўсимлик ҳужайраларида эса крахмал ва алейрон доначалари, липид томчилари кўринишида бўлади. Карбон сувлар жигар ва мушак ҳужайраларида гликоген ҳолида йиғилади.Ёғ киритмаси ёғ ҳужайраларида тўпланган бўлади.
2.Секретор киритмалар – ҳужайра фаолиятининг маҳсули бўлиб, айниқса без ҳужайраларига хосдир. Уларга ҳайвонларнинг без ҳужайраларида гранулалар, ўсимлик ҳужайраларида айрим тузларнинг кристаллари мисол бўлади.
3.Экскретор киритма – бу ҳужайра фаолияти мобайнида йиғилиб қолган, чиқариб юборилиши керак бўлган таначалардир, яъни ҳужайрадан ажралувчи моддалар ҳисобланади.
4.Пигментли киритмалар – гемоглобин,меланин, хлорофилл,каротиноидлар ҳужайрага маълум ранг берувчи моддалардир.Ёғ ҳужайраларининг ўзига хос сариқлиги таркибида каротин моддасининг борлигидан ҳисобланади.Организмнинг ўзида синтезланиб, ҳужайралар рангини белгиловчи кўпгина пигментлар (гемоглобин,меланин,липофусцин)мавжуд.

37-расм.
Киритмаларнинг функцияларига: энергетик (гликоген, крахмал), трофик(липид, оқсил, углеводлар) , газ алмашинуви ( гемоглобин, гем эритин, гемоциан ),фотосинтез (хлорофилл ) ларни мисол келтирсак бўлади.