Тиббиёт олий таълимгохи талабалари учун дарслик

Ташхиси.
Касалликни ташхиси унинг клиник бориши, тахлилий, рентгенологик ва бошка текширувлар натижасида асосланади. Бемор бола кузатилаётганда унинг терисидаги вена кон томирларини холатига, коринни тузилишига ва умуртка поганасидаги эгриликка эътибор бериши керак. Майда болаларда варикоцелени пайдо булишлиги хам буйрак усмаси борлиги эхтимоли хакидаги фикр юритишга имконият беради. Болани корнини, тик тургазиБ. Бикинга, ёнбошга ва чалкамча тушириб ёткизилган холатда пайпаслаб текшириш лозим. Баъзи холатларда усмани пайпаслаш учун болага хатто наркоз беришга тугри келади.
Купинча беморни сийдик анализида протеунурия ва лейкоцитурия аникланади. Лейкоцетурия асосан Вильмс усмасига инфекция кушилиб колган булса юзага чикади. Вильмс усмаси билан жарохатланган болаларни 20 % да СОЭ анча баланд булади.
Усмани аниклашда рентген текшириш усулларини катта ахамияти бор. Обзор рентгенограммаларда ичакларни бир томонга итариб турган, баъзан эса баъзи жойлари охак тошга айланиб кетган каттик усма кузга ташланиши мумкин. Бел мушагини рентген сояси, усма бор томонда анча хирарок булиб куринса баъзан эса бутунлай куринмайди. Беморни ёнбошлатиб туриб килингана рентген расмларида усмани сояси, газларга тулган йугон ичакни оркасида куринади. (корин бушлигида усма булган холатларда йугон ичак бел томонга сурилган булади).
Буйрак усмасини аникрок куриш учун одатда экскретор урографияни пневмоперитонеум ва томографиялар билан биргаликда килинса жуда яхши булади. Буйракни вазифаси сакланган холатларида жом-косачаларни усма билан эзилиб, нотекис холатларда булганлиги томограммаларда хар хил соялар сифатида куринади.(130-расм).
(130-расм. Экскретор урограмма чап томондаги Вильмс усмаси).
Буйрак ангиографияси курилганда буйрак усмасини ундаги кисталарга нисбатан кон томирларига анчагина бойиб кетганлиги кузга ташланган. Аммо бу кон томирларини нотеккис ривожлангани ва усмани ташки чегараси атрофида хар хил артериовеноз пайдо килишлиги усма учун характерлидир.
Фаркловчи ташхис.
Вильмс усмасини энг аввал сув буйракдан фарклашга тугри келади. Сув буйрак касаллигида экскретор урография килинганда унда жом-косачалар умуман куринмаслиги ёки жуда кенгайиб кетган булиб, куриниши мумкин. Агар усма булса, жом косачалар эзилиб, бир томонга сурилган булади ёки бутунлай куринмайди.
Буйрак поликистози булган холатларда хам касалликни аниклаш учун анча кийинчилик тугилади. Касалликни иккала томонламалиги, экскретор урограммаларда жом-косачаларини узига хос «ургимчаксимон» сифатланиши, буйрак сохасида эса купгина бир-бирлари билан кон томирлар ёрдамида богланган, аммо кон томирларга камбагал сохаларни ангиограммаларда учраши, уларни буйрак поликистозига алокадор эканлигидан дарак беради.
Рентгенологик белгилари билан буйрак усмасига ухшаб кетувчи, буйрак карбункулини усмадан ажратиб турувчи белгиларига мисол килиб касалликни шиддат билан бошланиши хамда буйрак сохасидаги кизариш ва мушакларни таранглашиши, шикастланган буйракни ишлаш кобилиятини бутунлай йуколиши каби белгиларни курсатиш мумкин.
Усмани жалаларини бор йуклигини (лимфангоаденография, кукрак кафасининг рентгенографияси, жигарни сканированияси ёрдамида) аниклашни ахамияти жуда катта чунки бу холат даволашга булган муносабатни белгилашга ёрдам беради.